!!!!!!!!!!!!!!!!!!!!!!

Io intendeva expedir ad INTERLNG integre e non a Stan solmente!!!

Lunedi, le 01 julio 2013 07:19:48 -0400, Mulaik, Stanley A
<[log in to unmask]> scribeva (parve extractos):

> Ingvar es certemente un homine intelligente,
> mais ille esseva un inseniante in scholas
> secundari.  Gode esseva un Ph.D. e
> ha inseniate germano in le universitate.

Esque isto es un attitude del snobismo?

> Io non pensa que le invention de linguas
> esseva un occupation respectate per Gode.
> Le mesme con Stillman, ben que ille solmente
> habeva un diploma de maestro del anglese,
> mais in 1939 isto esseva sovente sufficiente.
> Mais Stillman habeva laborate con le linguistas
> professional de IALA in London ante retornar a Nove
> York pro devenir le Director de Recerca in
> 1939.
>
> Le ration proque le invention de linguas
> como Zamenhoff e mesmo de Wahl (Occidental)
> esseva non altemente respectate per Gode
> es que illo esseva troppo subjective e sovente
> naive del natura vive e irregular e inexacte
> del lingua.

Nonobstante, il ha e il habeva multo, multo, multo, multo plus de
usatores de esperanto que jammais de interlingua. Mi interesse es
linguas auxiliar, e non considerationes theoric. Esperanto es
(relativemente, de comparation ad altere linguas auxiliar) succedite.
Ben que io lo ama, interlingua lucta.

> Ille esseva un scientista educate in le linguistica
> a un major universitate (Columbia). Linguistas
> labora con linguas real. Illes depende super
> factos de linguas. Il esserea un guasto de su
> education e talentos pro devenir un amateur
> inventor de linguas.

???? Zamenhof non esseva un linguista professional, sed nonobstante, il
ha multo plus de usatores de esperanto que de interlingua.
Qualificationes academic non garanti successo! Academicos pote haber lor
limitationes. Le proprietate del PhD o del licentia doctoral non es
prova del successo in le mundo genuin.

> Ingvar ha scribite cosas critic de Gode e le
> prototypos.  Ingvar realmente, a mi aviso, es
> un inventor de linguas.

Ben! Etiam Zamenhof, e il ha plus, plus, plus de esperantistos que de
interlinguistas. Forsan le invention de un lingua auxiliar ha plus(!) de
valor que un registration de "prototypos international."
>
> Ille videva interlingua como un lingua
> auxiliar. Mais illo non esseva create
> secundo preconceptiones de lo que es
> optime pro un lingua auxiliar.

E forsan Gode esseva in error. Interlingua, in le IED e le "Interlingua
Grammar" (2de edition) pote esser un bon lingua auxiliar, ben que Gode
ipse esseva possibilemente in error.

> Ille credeva que le communitate que appoia
> interlingua es le milliones de personas
> qui parla linguas que prende parte in
> le vocabulario international.

Le vocabulario international, tamen, non significa que interlingua debe
devenir Ancora Un Altere Lingua Romanic.

> Un parve
> communitate, un club, un societate de
> dilettantes va remaner confinate in le
> limitates de su uso inter solmente illes
> mesme pro discuter lor lingua, etc..

Como le interlinguistas?

> Gode voleva usar interlingua in le mundo
> in practic applicationes.  Le historia del
> linguas auxiliar real, in commercio, es
> que illos serviva le primari objecto de
> excambiar benes e ideas.

Esque isto es un cosa mal?

> Le uso esseva primari, non le lingua
> per se.  Si le lingua pote servir le
> uso, le excambio de benes e ideas,
> le lingua non debe esser optime, mais
> solmente debe haber characteristicas
> que in facto adjuta le scopo del uso.

E ergo io mesme es un "esperantisto" in re interlingua, a causa que io
cerca un lingua pro "le excambio de benes e ideas" e non considerationes
theoric (p.e., un subjugation servil e stupide del idea del "prototypos
international").

-- 
Amicalmente a totes,
Paul Bartlett


--
Pro leger le archivos e pro modificar o cancellar le subscription:
http://listserv.icors.org/archives/interlng.html