Car Piet

Pote tu elaborar un poco tu motivos pro omitter justo ille parolas?

Viste que il solmente se tracta de parolas in parantheses quadrate, io alora
non suppone que tu ha facite ulle omissiones de vocabulos proque illos non
plus ha appoio del linguas fonte?

Io serea multo interessate de audir si tu lo trova permissibile "deler"
parolas que habeva appoio quando le IED esseva publicate, ma non plus lo ha.

Amicalmente
Lars


On Sat, Jul 19, 2008 at 10:33 AM, cleij <[log in to unmask]> wrote:

> Car amicos,
>
> Como alcunos inter vos jam ha constatate, le DIN publicate super
> papiro e illo publicate in Wikipedia non es traductiones exacte
> del IED. In le DIN il non ha solmente un grande massa de nove
> vocabulos, ma il manca anque un parve numero de vocabulos
> que vos trova inter parentheses quadrate in le IED. Io vos da
> alcun exemplos: saepe, secun, so, sui, tam, tan, ti, tra, utroque,
> valde, vece, voi, vol, aliqua, atque, clam, cras, esse, esso, este,
> etsi, illi, haver, etc. Ma io non ha eliminate omne vocabulos inter
> parentheses quadrate.
>
> Durante mi preparationes de un edition del DIN in forma imprimite
> super papiro, io ha considerate le vocabulos restante de iste sorta,
> lo que ha resultate in le elimination continuate de un certe numero
> de illos, p.ex. permulte, permulto plurimo, plurime, presertim, quo adv.,
> quo conj., quamquam, quanquam, semel, sicut, aliquid, etc.
>
> Toto isto ha consequentias anque pro le nove sexte edition del
> Dictionario Nederlandese-Interlingua (DNI), que io intende publicar
> tosto in un version imprimite super papiro, e pro le DNI in Wikipedia.
>
> Io va facer un lista complete del eliminationes de vocabulos, que io
> va inviar a Josu Lavin, de sorta que, post su vacantias, ille potera
> adaptar le versiones del DIN e DNI in Wikipedia.
>
> Salutes
> Piet Cleij
>
> --
> Archivos e disabonar: http://listserv.icors.org/archives/INTERLNG.html
>



--
http://falcatorrosa2.blogspot.com

Interlingua - proque nos ama linguas!

--
Archivos e disabonar: http://listserv.icors.org/archives/INTERLNG.html