Car Allan

Io ha multo gaudiate, quando io legeva, que il ha un message con tu nomine,
scribite per te. Alora io sapeva, que tu successosemente passava le
operation, que assi era successose, viste que tu mesme scribe sub tu nomine.
Le augurationes del chances del operation era multo pessimistic in iste
lista, pro isto choccante pro me, ma tanto plus grande es le alleviar,
legente tu lineas, que prova, que tu es in bon sanitate: le characteristica
de scriber, le fluentia de pensamentos, tu opiniones, etc. non se cambiava a
te; tu es le mesme, le previe Allan Kiviaho, al qual nos es accostumate e
que forsan mesmo mancava a alicunos de nos. Gratias pro le bon novas in iste
maniera, e post habente leger tote le 500 messages non legite usque ora, tu
forsan va leger tamben iste mie, proque io ha bon novas: Radio Interlingua
es recomenciate! Illo functiona in internet de novo, le prime emission es
preste, vole ben consultar lo sub le adresse http://www.interlingua.com/radio ! 

Io personalmente regrettava, que io non poteva incontrar te personalmente in
Linköping, in le incontro nordic de interlingua, in que io participava; ma
io spera, que nos potera cognoscer nos tamben personalmente aliquando in
alicun conferentia futur de interlingua. Io ha ancora un thema, que io non
respondeva de annos. Tu ha scribite lettera/s?/ hic in INTERLNG in le thema
del Corona Sancte hungare, etc. in le qual/es?/ il ha alicun cosas a
corriger o adder, proque tu assertiones in illo non son totalmente ver.
Forsan io potera ancora scriber le lettera de responsa a illo aliquando e
postar lo a hic, procrastinate ja de annos, proque io vole/va/ colliger
ligamines pro assi appoiar e provar mi puncto de vista in ille questiones.

Dunque: rebenvenite in le lista, Allan;

e io te desira plen recuperation e bon sanitate in le futuro:

Péter Kovács

--
Archivos e disabonar: http://listserv.icors.org/archives/INTERLNG.html