Salutes!

Rodolfo ha scribite:

>>Io vole (e  io crede que pote) adjutar a Chetan.<<

Isto es un bon nova, gratias. Le enthusiasmo es appreciabile, ma le adjuntantes mesme debe saper e usar interlingua correctemente e isto es specialmente importante, si illes vole apprender le lingua a alicuno altere!

Pro isto io te demanda prestar plus de attention a tu proprie uso de lingua: *liste debe esser lista, *"a le" debe esser al; *"es que" deberea esser scribite como esque, *"re-inviarle" como reinviar le.

Si tu dunque presta un poco plus de attention, io es certe, que tu essera un multo bon adjutante de Chetan in apprender e practicar interlingua! E gratias a te - anque in su nomine - pro tu benevolentia.

Io habeva respondite al lettera de Chetan ja ante que tu lettera appareva ci, demandante de ille, si ille es adjungite o vole adjunger se a nostre listas de distribution, ma usque ora ille non ancora respondeva. Pro isto io certo transfere iste tu lettera a ille.

Io le ha invitate a nostre listas e al chat de interlingua, que occurre cata mercuridi e sabbato.

Amicalmente:

Péter Kovács

--
Archivos e disabonar: http://listserv.icors.org/archives/INTERLNG.html