Io dubita, si le contributores a iste discussion ha ascoltate le emission mesme. In illo io dice, que il ha duo cursos a recommendar: le un es lo de Ingvar Stenström, mentionate anque per Piet Cleij e le altere es lo de Thomas Breinstrup.

Ma car Piet: il non es necessari inviar un disco con le voce de Ingvar, legente le lectiones, proque - como anque mentionate in le emission - on pote discargar iste registrationes de Internet. Le ligamine es:

http://www.interlingua.com/ia/interlingua-audio

In le menu a sinisitre del sito Interlingua.com il es un puncto "Libros e litteratura", intra illo: "Dictionario e cursos". Intra illo si on selige "anglese", on arriva a un pagina con materiales pro apprender interlingua per anglophonos. O del menu, o del pagina mesme on arriva al curso de Thomas Breinstrup, anque mentionate in le emission de Radio Interlingua no. 57, adaptate pro anglophonos (comenciante), con tote le lectiones in formato Adobe (.pdf) e anque con files audio:

http://www.interlingua.com/an/curso

Tote isto es gratuite e attingibile per qualcuno in internet.

Senior Frederico: esque il es besoniate, que io traduce tote iste mi lettera? Is it necessary to translate this whole letter of mine above? Io lo facerea con placer, si necessari. I would do it gladly, if it is necessary.

Péter Kovács


--
Pro leger le archivos e pro modificar o cancellar le subscription:
http://listserv.icors.org/archives/interlng.html