Il ha un interessante magazin in
polonese que se appella Historia, e
per consequente illo anque tracta
le historia. In le numero 12/2013
ego legeva un articuulo circum le
festa de Natal en 1914 quando
soldatos del duo belligerente
lateres insimul celebrava le Natal.
Le papa Benedictus XV habeva
appellate al armeas observar le
Natal e il sembla que le germanos
ha comenciate le festa, luminante
lampas e decorante arbores natal.
Postea le soldatos se incontrava
sur le terra inter le frontes e
excambiava donos de Natal. Que le
generales era terrificate de iste
actos es evidente.

Ma le articulo anque mentiona que
in le medievo on sovente observava
le festas cristian, on faceva
armisticio.

Naturalmente ego ha audite de iste
episodio antea, ma il era
interessante leger un plus
detaliate narration de illo.

Kjell R


--
Pro leger le archivos e pro modificar o cancellar le subscription:
http://listserv.icors.org/archives/interlng.html