Daniel,
   Io es multo triste que tu secava tu mano.
Io spera que necun arterias o venas importante
esseva secate. Io suppone que tu sape que il es
importantissime que tu evita le infection. Si tu
ha recipite receptas de tu medico pro un antibiotico,
seque su instructiones exactemente.  Hodie le
periculo de infectiones con le bacterio
staphylococcus aureus que es resistante contra
le antibiotico methycillin es que il ha pauc
antibioticos contra illo. Tal infectiones es
difficile de curar.
   Io jam habeva un tal infection super mi
parte anterior del tibia de mi gamba sinistre.
E su cura requireva un mense de usar un
crema antibiotic e 10 dies de usar un altere
antibiotico que ancora ha effecto contra iste
staphylococcus. Le ferite (vulnere) esseva
parve, io ha ferite mi gamba contra un tabula
de magazines al fronte de mi divan.  Le secunde,
plus recente, esseva al anterior parte de mi
tibia dextre a un puncto un poco plus alte que
a mi altere gamba. Io ha ferite lo quando io
geniculava in le porta posterior de mi
monovolumne pro adjutar mi sposa connecter se
su cinctura de securitate. Le ferite esseva multo
parve, circa 2.5 mm in diametro. Mais le infection
ha resultate, mesmo quando io ha usate alcohol
tosto post que io ha ferite lo. E il es un infection
del staphylococcus aureus; io non sape si illo es
resistante al majoritate del antibioticos. Mais io
ha obtenite un nove recepta del medico pro le
antibiotico oral e un crema antibiotic contra le
SARM. Io va usar le crema un mense o plus. Le
antibiotico oral es usate solmente pro 10 dies,
duo vices cata die.

Assi io fini mi exercitio in terminologia
medic de interlingua.

Stan Mulaik


--
Pro leger le archivos e pro modificar o cancellar le subscription:
http://listserv.icors.org/archives/interlng.html