Salute!
Lo interessante es que "frappante" 
existe in plure linguas europee 
como un presta del francese.

Pro le momento ego proba activisar 
mi cognoscentias de Novial de Otto 
Jespersen. Isto es in multe 
aspectos un multo interessante 
lingua e in le cerca de nove 
possibile vocabulos le vocabulario 
de interlingua es un interessante 
fonte.

Quanto al parolas in parenteses 
quadratic [  ] non es totalmente 
consistente. Solo un exemplo: sed 
non sta in [  ].

Ego me recorda que ego ante alcun 
annos recercava le IED e illo non 
contene "beson(i)o". On pote vider 
lo como un "auxilinguistmo" si on 
vole. Il es natural que on ha 
interferentias e importa parolas de 
altere fontes. In iste caso 
interlingua non del toto es 
particular – il es un facto general 
linguistic.

E nos debe acceptar le facto, que 
le fracassante majoritate de 
parlatores de interlingua ha anque 
experientia de altere auxilinguas. 
Personalmente ego cognosce personas 
qui ha comenciate apprender 
esperanto e ha trovate interlingua 
como un instrumento plus viabile – 
e vice versa! Toto depende de 
experientia, fundo linguistic, 
temperamento, accessibile material 
pro solo mentionar alcun factores 
de election de lingua.

Gode toccava un altere question que 
es tre interessante ma le qual on 
non ha multo studiate e de qual ego 
non ha vidite multe experimentos. 
Il se tracta del systema grammatic 
que es usate pro facer functionar 
interlingua. Alicubi Gode scribe 
que le grammatica presentate de 
Blair e ille solo es un maniera per 
le qual on pote facer functionar 
interlingua o le international 
vocabulario. Ma isto es forsan un 
pochetto extra le tema de iste 
discussion.

Amicalmente

Kjell R


--
Pro leger le archivos e pro modificar o cancellar le subscription:
http://listserv.icors.org/archives/interlng.html