Cares!
Quando io cognosceva interlingua, io trovava Martijn Dekker in un camera de chat in le rete IRC e ille adjutava me in apprender le lingua: respondeva mi questiones, corrigeva mi errores, etc. Eterne gratias a ille pro isto! Postea durante alicun periodo io mesme coordinava, annunciava (anque ci, vos memora, in iste lista de emails INTERLNG) sessiones regular de chattar in interlingua in ille canal, pro tempores fixe (pro cata mercuridi e sabbato a definite horas). Isto functionava durante alicun tempore, ma post aliquando le affaire deveniva enoiose (sempre le mesme personas participava in illo e sempre minus de personas, postea mesmo solo un partenario ultra me, etc.) e inactive. Post alicun tempore (de alicun annos) io mesmo non plus entra in le canal #interlingua de IRC e intertanto forsan le systema IRC mesme deveniva obsolete...? e minus cognoscite e usate...? Il ja ha nam solutiones plus moderne pro chattar, non solo in scripto, como in IRC, ma anque per voce, mesmo per video. Ma hodie cata uno ha altere systemas operative a su computator e on usa differente programmas a chattar. Ma recentemente il pare, que il ha un eminente possibilitate pro totos, que es independente de ulle systemas OP, pois que on non mesmo debe installar lo a su proprie computator, totevia illo functiona, da possibilitate pro chattar e per voce, e per video pro plure personas al mesme tempore. (Si on vole, on participa solo per voce, o anque per camera, o per ambes, ma on debe prestar attention, si totos al mesme tempore ha lor cameras connectite a functionar, alora isto face le connexion plus lente e plus instabile, dunque il es recommendabile connecter le camera solo pro le persona, qui justo parla - plus longemente.) Le rete se appella Jitsi e illo se trova ci: https://jitsi.org/jitsi-meet/ Cata uno pote usar lo, independentemente de su systema OP de su computator, on non debe installar lo, on non debe haber Skype, o Whatsup, etc., proque illo es independente de tote istos, un aparte programma. Ma on debe condivider su proprie microphono PC e camera PC a internet, naturalmente pro poter chattar.
Io cognosceva iste programma per un conferentia video hungare, su uso es simple pro totos e recentemente io sapeva de Twitter, que le idistas ja lo usa pro lor sessiones regular. Forsan nos, interlingua-istas anque deberea probar usar lo pro sessiones regular? Un bon opportunitate pro exercer interlingua parlate, pro apprender le lingua e pro apprender mesmo anque solmente, si on comprende del toto le interlingua parlate.
Esserea alicuno de vos pro coordinar (postea forsan anque gerer) sessiones regular pro parlar in interlingua per Jitsi...? Ma primo naturalmente nos deberea facer un proba technic in un tempore predefinite pro poter participar si possibile plure personas.
Péter Kovács [pronuncia: Kovaatch]
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|
