Pro qui habita in America del Sud, le costo de livration face que comprar
libros de Lulu deveni extrememente non vantagiose.

Un option esserea publicar lo sur Amazon in diverse paises. Assi le UMI
securmente venderea multo plus.

On Tue, Sep 1, 2020, 11:30 Dansk Interlingua Union <[log in to unmask]>
wrote:

> Car Daniel Arsenault,
>
> Le ligamines in mi message es un adjuta al multes, qui lege INTERLNG,
> pro plus facilemente trovar le material in www.interlingua.com. Il me
> place que tu ja cognosce le paginas indicate.
>
> Le UMI publica continuemente nove litteratura como libros pagate e
> e-libros gratuite. Le vendita de libros, protegite per le derecto de
> autor, assecura moneta pro promover interlingua, e cata comprator assi
> supporta interlingua. Le e-libros gratuite, que deveni sempre plus
> numerose gratias al adjuta de multe autores, debe crear appetito
> immediate de leger plus e extender su vocabulario e maestria de
> interlingua. Le e-libros supplementa le multe altere materiales digital
> que es poco a poco addite a www.interlingua.com (p.ex. tote le archivo
> del magazin Almanac de interlingua (www.interlingua.com/almanac),
> dictionarios e cursos (www.interlingua.com/instruction-national) etc.).
> Nos va certo considerar adder magazines ancian. On pote comprar
> editiones digital de Panorama desde ante circa 10 annos via su abonamento.
>
> Libros publicate durante le recente plure annos – inclusive le serie
> "Facile a leger in interlingua" – es imprimite per le casa editorial
> Lulu, e on los compra directemente ab Lulu. Lulu ha botecas digital in
> plure continentes e assi imprime e expedi le libros ab le loco le plus
> proxime, assi que illos arriva plus rapidemente e - io assume - que le
> porto postal es minor. (On pote anque seliger in le fundo del sito de
> Lulu dollars canadian de tu pais, io ora vide.)
>
> Le Servicio de Libros UMI vende le stock de libros publicate usque
> alora. Le Servicio de Libros es situate in Europa, e assi le porto a
> altere continentes es regrettabilemente plus alte. Ab
> www.interlingua.com/litteratura il ha ligamines a ambe botecas de
> litteratura.
>
> Con mi optime salutes
> Thomas Breinstrup
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html