Car Jay (e alteres),
io jam cognosce David Stark, e desde multe tempore. Su
photo e su intention original de traducer le Biblia in
Interlingua appareva mesmo super "Panorama in Interlingua".
Le facto es que desde tunc ille "dispareva" e non
respondeva plus a nostre litteras (ni nos habeva plus novas
in re su Biblia traducite). Post alicun annos ille
"reappareva" e declarava que su interesse a Interlingua
continuava, ma pois ille disveloppava su version del
Latino, mesmo si ille non desira que illo sia un
concurrente de Interlingua.
Del puncto de vista religiose David e io es del mesme
pensamento. Nos communicava alcun annos retro in re themas
religiose, i.e. Christian Reformate, e nos trovava nos del
mesme opinion (ma per favor, non appella nos prestres, nos
non es prestres, ma pastores. Le prestres es solmente
catholic-roman e -crede me- il ha inter le duo cosas un
differentia theologic substantial). Del puncto de vista del
linguistica io non comprende su interesse instabile e
inactive pro Interlingua. Aliquando il pare que on pote
multo sperar de ille, aliquando ille simplemente e
inexplicabilemente dispare. Forsan pro manco de tempore?
Forsan pro amor-odio pro Interlingua? Io non comprende. Si
on le demanda super isto, ille non responde o responde sin
claressa. Forsan io poterea rescriber a ille con
incoragiamentos.
Paolo.


Paolo Castellina
CH-7604 Borgonovo (Switzerland)
[log in to unmask]
http://www.poboxes.com/pcastellina
http://www.interlingua.com