[Stan Mulaik]

> Ben venite Steinar. Vostre informationes super le conceptiones del
> terra formate per le eclipses tenite per le ancianos esseva multo
> interessante.  Assi le observation que le terra es ronde esseva facite
> per Pythagoras de un eclipse del luna!

Gratias.

Io scribiva que Pythagoras viviva in le seculo VII a.C.  Le correcte
es seculo VI.  Ille moriva in circa 500 a.C.

> Ha vos vidite le cometa Hale-Bopp de Oslo?  On dice que in le latitudes alte
> on pote vider lo a tote horas????

Si.  Le tempore ha esseva multo bon durante le ultime septimanas.  Io
he vidite Hale-Bopp omne noctes excepte le nocte ultima.

Hale-Bopp es circumpolar apud le latitudine hic, dunque on pote lo
vider a tote horas del die.  Ma nunc es primavera e proximente le
noctes non essera tenebrose.  In le sud de Norvegia non es sol del
medienocte durante le estate, ma il es tanto luminiose que on pote
solmente vider pauc del plus luminiose stellas.  De altere parte, in
le nord de Norvegia durante le hiberno le sol non se eleva, ma il non
es bastante tenebras pro vider multe stellas a meridie.  In decembre
ultime io iva a Svalbard, que es equalmente distante del circulo polar
como del polo nord, apud 78 grados nord.  Ibi le die e le nocte simile
es durante le maxime parte del anno.  Io poteva vider le stellas e le
aurora borealis a meridie e a nocte.  Estraniemente le medienocte
esseva plus luminiose del meridie a causa del lune circumpolar que es
a su le plus alte a medienocte.  Ille loco cuje dimension es simile de
dimension de Anglaterra, ha solo 3000 habintantes - norvegianos e
russos (e quasi duo vices ille numero de ursos polar), dunque le
pollution del luces non es significante.  Le vista del celo esseva
excellente.

Ibi non videva Hale-Bopp proque ille non jam esseva luminiose.  Ma duo
septimanas retro hodie io iva a Helsinki per mar.  In medie de mar
Baltico non es pollution del luces.  Un altere vista excellente!

--
Steinar