> Jay ha scripte:
> (...)
> > Si vos se interessa in adjutar io sol vole requirer le
> > sequente information (inviar a: [log in to unmask] )
> >
> > 1) Nomine de vos (scripte como vos lo vole vider scripte)

Ensjo (Emerson Jose' Silveira da Costa)

(Le [e'] es e-acute. In HTML, [é].)

> > 2) Linguas planificate que vos sape (e usa, como le Interlingua) e
> > projectos que vos ha tentate de construer personalmente in linguas
> > artificial.

Nulle projecto actualmente. Io usa Interlingua e habe usate un poco de
Esperanto previemente.

> > 3) Le ration proque vos ha interesse in linguas planificate o proque
> gusta
> > de construer linguas artificial.

Cognoscer personas interessante, stabilir contactos international e
(hehehe) diverter me.

> > 4) Un pauc de su historia personal, dicente como vos se
> > interessava in le linguas planificate, que esseva le attraction original e
> > a qual etate, etc.

Habente studiate con amicos japonese, io entrava in contacto con un
grammatica e vocabulario totalmente diverse de mi lingua materne, le
portugese. Isto me mitteva un voluntate de construer un lingua-codice
pro diverter me con alcun amicos (1990). Ma le interesse cresceva
gradualmente e me dominava. In le universitate io discoperiva Esperanto.
Volente saper plus, io trovava libros que diceva que il habeva ALTERE
linguas constructe, e assi io cognosceva Interlingua. Su grande
similaritate con le linguas neolatin (romance) prendeva mi attention. Ma
il habeva nulle libro super illo, solmente breve exemplos.

Quando io acquireva mi conto in Internet (23 annos, 1996), io usava le
AltaVista pro trovar "interlingua", e assi io poteva finalmente
incontrar su grammatica, dictionario e -- plus importante -- personas
multo interessante qui lo usa, in le lista de e-mail INTERLNG.

> > 5) Un exemplo de linguas planificate que es su favorite. Isto pote
> includer
> > Latin Classic, mi phrase preferite es "CARITAS VINCULUM PERFECTUM" de Col
> > 3:18.

PENSAR

Difficile es le pensar.

Io pensa tanto,
E me fatiga tanto con mi pensamento,
Que al vices io pensa a non pensar jammais.

Ma isto require esser ben pensate:

Pois si io pensa de troppo,
Io fini _dis-pensante_ toto lo que io habe pensate antea;

E si io non pensa,
Io resta pensante a isto tote le tempore.

> > 6)Su adresse de email e su pagina del Tela si ha alcun active.

[log in to unmask]
http://www.nautilus.com.br/~ensjo/ (in portugese)

> > 7) Altere cosas que vos volerea includer in su cassa del lista del
> > Projecto.

Altere interesses: RPG (Role-Playing Games), Video-Game
("Shoryureppa!"), Musica (Rock Brasilian, Enya, Loreena McKennitt,
Carmina Burana...)
--
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740