Opinante como anglophono, io es completemente de accordo con Stan.  Per mi
cognoscentia e uso de interlingua io discoperi constantemente nove
comprehensiones de mi proprie lingua.  Natualmente, como Bertil si
secamente remarca, interlingua non ha como scopo le inseniamento de anglese
al angloparlantes.  Nonobstante, io debe adder que io trova le tendentias
recentemente visibile hic in INTERLNG a secar connectiones etymologic inter
interlingua e le hereditage latin e grec terrificante.  Io, personalmente,
non era attrahite a interlingua a causa de su puritate
artificio-linguistic, sed a causa de su practicalitate e su potential pro
capturar le tradition linguistic del cultura occidental.  Ergo
"meliorationes" facite a nostre belle lingua in accordo con le principios
de purification planificate menacia su ver beltate nostalgic.  Si on
prefere "puritate" il ha altere linguas artificial multo melior.   Ille
altere linguas son "inventiones".   Interlingua non es un "invention" sed
un "discoperta".  Le discoperitores de IALA ha travaliate al maniera de
linguista-archaelogos e ha disinterrate un lingua-joiel.  Que nos non ruina
lo....

-- frank




"Ensjo (Emerson José Silveira da Costa)" <[log in to unmask]> on
11/18/97 03:16:16 PM

Please respond to "INTERLNG:  Discussiones in Interlingua"
      <[log in to unmask]>

To:   [log in to unmask]
cc:    (bcc: Frank Pfaff/CyberGate)
Subject:  Recerca




Salutes!
Iste questiona va principalmente al anglophonos, ma illo pote esser
extendite al alteres, mesmo considerante lor proprie linguas. Qual es
vostre opnion super isto?
Io sape que Stan multe vices parla re isto, e Leland ha facite un
commentario recentemente (sub le titulo "Orthographias").
Frank Esterhill scribeva:
> (...) In le futuro, on debera examinar le relation inter le anglese
> e le interlingua del IALA in detalio -- specificamente ponente le
> questiones, Es il ver que un anglophone apprende maestrar le
> ricchessa greco-lation del lingua anglese per medio de studiar
> interlingua; e, Es il ver que le Interlingua del IALA es un apte
> instrumento pro le introduction al ricchissime vocabulario anglese
> pro parlatores de altere linguas?
> Frank
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]
INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html