Car amicos,

Il me sembla que al minus le medietate del interlinguistas etiam es - o ha
essite - esperantistas. (Anque io ha studiate esperanto durante mi
juventute, e a vices, quando io debe luctar con parolas como QUECUNQUE o
USQUAM, io pensa con nostalgia al schema genial e regular de esperanto: kio
- tio - nenio... kia - tia - nenia... etc.)

Io pensa que Kjell ha ration quando ille vole remover le critica de
esperanto ab nostre pagina domestic. Jectar fango al esperantistas non pote
beneficiar a interlingua in ulle maniera, nam le esperantistas qui
alteremente poterea interessar se a interlingua solmente va devenir hostil,
e le publico va pensar que nos es duo sectas sin contacto con le mundo
real.

Dunque: Vive e lassa viver!

Cordialmente
Ove


[log in to unmask]

Ove Hanebring
Basgranden 4
S-224 68 LUND
Sverige