STATOUNITESE VS. AMERICAN - II

-------------------- <2-1> Ensjo 970422 -------------------
<2-1>
RE <1-1> <1-2> <1-3> <1-4> <1-5>
Isto es un problema de origine. [Vide <5-1> Frank Pfaff]

<2-2>
Le portugeses, al discoperir le Brasil in 21 de april de
1500 (hodie!), lo nominava "Insula de Sancte Cruce". Depost, a perciper
que illo non era un insula, illes lo renominava "Terra de Sancte Cruce".
Ma a causa del grande quantitate de "pau-brasil" (in anglese
"brazil-wood", un typo de ligno rubie) trovate hic, tosto totes le
appellava solo "Brasil".

<2-3>
Le angleses nominava lor colonia "America". E le personas
nascite illac, "americanos". Ma viste que illes arrivava prime, iste
nomine deveniva tamben le nomine de TOTE LE NOVE CONTINENTE. E hic
reside le problema.

<2-4>
Que succede hodie? Io es american. Ma io non pote dicer que io es
american sin que le personas pensa que io es statounitese. Io deve dicer
"sud-american", o mesmo "brasilian". Ma non solo "american".
[Vide <5-6> e <5-7> Frank Pfaff]

<2-5>
Si al statouniteses non place le termino "statounitese",
isto es ben comprehensibile. Isto debe sonar les como
"united-stater" o cosa assi. Ma il es facto que a tote le alteres
americanos certemente tamben causa un certe senso de "furto" le
"monopolio" del termino "americano" per le
statouniteses. E non solo le "latinos" (ab Mexico a basso), ma forsan
tamben le Canadeses.
[Vide <4M-1 Paul O Bartlett e <5-8> Frank Pfaff]

<2-6>
Nihil personal contra le statouniteses, isto sia clar!
Infelicemente le cosas succedeva assi.

<2-7>
Pro me, le parola "statounitese" face un bon distinction
inter "american of America" e "american of the USA".

ENSJO : EMERSON JOSE SILVEIRA DA COSTA

----------------- <3-1> Stan Mulaik 970420 ----------------
<3-1>
Frank,
Secundo mi dictionarios espaniol e italian il ha le
parolas _estadounidense_ (Esp.), e _statunitense_ (It.) que significa un
persona del Statos Unite. Io suppone que on pote scriber in interlingua
_statounitese_ justo como on scribe francese pro personas de Francia.
[Vide <3M-1> Frank Pfaff]

<3-2>
Le parola "american" es lo que nos hic in le Statos Unite
nos appelle, mais que a appeller illes de America Sud? Es illes non
americanos?  Potesser on va dicer que illes son brasilianos, o
venezuelanos, o peruvianos, o argentinos.   [Vide <3M-2> Frank Pfaff]
Mais alora, es nos non statounitese?
  [Vide <3M-3> Frank Pfaff]

Stan Mulaik

---------------- <3M-1> Frank Pfaff 970420 ----------------
<3M-1>
[per Stan] RE: <3-1 Stan Mulaik>
Secundo mi dictionarios espaniol e italian il ha le parolas
_estadounidense_ (Esp.), e _statunitense_ (It.) que
significa un persona del Statos Unite. Io suppone que on pote scriber in
interlingua _statounitese_ justo como on scribe francese pro personas de
Francia.
[per me]
Si, si on ha le voluntate a CERCAR on pote trovar le exemplos citate.
Anque francese ha un parola similar.  Mais, proque cercar penibilemente
justificationes pro usar "statounitese" quando le mundo total
comprehende "american"? Acceptar usages international es le ration in
detra le vocabulario international, nonne?

<3M-2>
[per Stan] RE: <3-2 Stan Mulaik>
Le parola "american" es lo que nos hic in le Statos Unite
nos appelle, mais que a appeller illes de America Sud? Es illes non
americanos? Potesser on va dicer que illes son brasilianos, o
venezuelanos, o peruvianos, o argentinos.
[per me]
Exemplos de terminos pro patrias:

NOMINE DE PATRIA                  NOMINE NATIONAL
United Kingdom of Great Britain   britannic o anglese
                                  NON "regnounitese"
Republica Federativa do Brasil    brasiliero
                                  NON "republicfederativese"
Estados Unidos de Mexico          mexican
                                  NON "statounitese"
Unites States of America          american
                                  NON "statounitese"

Exemplos de terminos pro continentes:

NOMINE DE CONTINENTE              NOMINE CONTINENTAL
Australia                         australian
Europa                            europee
Asia                              asian
Africa                            african
America del Sud                   sudamerican
America del Nord                  nordamerican

Exemplos de terminos pro duo continentes insumul:
NOMINE DE DUO CONTINENTES         NOMINE BICONTINENTAL
Australia/Africa                  austrafrican
Australia/Europa                  europralian
Asia/Africa                       asrafrican

...Huh ?!?, qual grande besonia ha le mundo pro terminos
pro duo continentes insimul? [Vide <3N-1 Ensjo>]

<3M-3>
[per Stan] RE: <3-2 Stan Mulaik>
Mais alora, es nos non statounitese?
[per me]
Forsan sia Bill Gates un "statounitese". O, forsan su
partenario de golf, Bill Clifton. Mais, io, NUNQUAM!

-- frank