[[log in to unmask]]

> :^) Il es ver, ma pro obtiner un bon programma como le FrontPage de
> Microsoft, on debera distascar un certe quantitate de moneta.

FrontPage es un disastro.  Le codices facite per isto son erronee e
absurde, anque illegal.  Como on expectar usante un producto de
Microsoft, le cosas facite per FrontPage sovente non functiona si on
non usa IE de Microsoft, de facto on ha nulle, naturalmente, garantia
que omne lectores legera paginas illegal in le mesme modo inter se e
que altere pote los leger si illos non usa le mesme lector como le
autor, le mesme version, le mesme configuration e le mesme systema
interne.  On face un pagina legal in minus de tempore per mano que per
FP con corrections necesse depost.

> Le melior programmas pro editar paginas web es los de stylo "WYSIWYG" (in
> anglese, "what you see is what you get": "lo que tu vide es lo que tu
> obtine"), isto es, on travalia super le pagina como illo apparera. Es quasi
> como travaliar con Word, o altere editor de texto. Le programma genera le
> codice HTML "celate" ab te (ben que tu pote, si tu vole, editar le codice
> HTML generate). Io non cognosce un altere programma de iste typo ultra
> FrontPage. Esque tu cognosce alcuno, Paolo?

Sape que WYSIWYG e HTML es un contradiction.  HTML es un lingua pro
specification de information, non un instrumento pro le plano del
texto!  Id est, on pote dicer que illos e istos son titulos, texto,
citationes etc, ma como le apparentia sera on NUMQUAM sape.  Pro
exemplo, on NON pone le texto in le loco de titulo como un maniera de
seliger le typo del litteras - tan frequentemente facite per FP.  Il
ha forsan cinquanta lectores HTML e omne ha su modo de displicar le
codices.

Io crede que il es facile comprender pro interlinguistas proque HTML
non es un instrumento pro WYSIWYG.  Nam interlingua es un lingua
international e in le mesme modo on pote dicer que HTML es un lingua
intercomputoral; le scopo de interlingua es esser legibile pro
personas de paises differente, le scopo de HTML es esser legibile pro
computores de systemas differente.  Ergo in interlingua nos solmente
usa parolas universal e in HTML nos usa directivas universal.


Tenta validar vostre paginas con isto:
<http://ugweb.cs.ualberta.ca/~gerald/validate/>.


Pedantemente,

--
Steinar