PRIVACITATE APPROXIMA MICROSOFT E NETSCAPE

 Rivales in le mercato de software pro Internet, Microsoft e Netscape
annunciava que illos travaliara insimul pro disveloppar un standard de
software que assecurara le privacitate del datos del usatores del rete
mundial.

 Le software pretende imponer limites al forma como le administratores
de sitos collecta e reutiliza informationes re le consumitores qui
visita su adresses.

 "Nos percipeva que nos habeva cosas in commun", diceva David Fester, de
Microsoft. "Le usator final debe tener controllo del information",
diceva Martin Heberli, director de technologia de Netscape.

 Le interprisas informava que illos va crear specificationes que
obligara gerentes de sitos a revelar como le information re le
consumitores sera utilizate.

 Tamben debe esser stipulate que le sitos offerera alique de valor in
cambio del informationes e petera permission pro repassar los avante.

 Le usatores verificarea si le sitos visitate divulga le information e
si illos obedi al standard.

 Le standard proponite, nominate Open Profiling System (OPS), permittera
registro universal in sitos del Tela. Le usatores haberea un profilo
simple immagazinate in lor PCs, includente nomine, etate, adresse,
interesses e information codificate del carta de credito. Quando un sito
era visitate, le usator definirea quanto de su information poterea esser
accessibile.

 Pro le gerentes de sitos, le standard permitterea facer traciamento
demographic del visitantes e offerer informationes personalizate.

 Le annuncio del companias, in le septimana passate, succedeva durante
que le Federal Trade Commission, agentia governamental de commercio del
SUA, discuteva in Washington re privacitate on-line. Le FTC debe facer
recommendationes al Congresso, que considera si illo va legislar super
le question.

 Netscape e Microsoft diceva que illos ancora definiva tote le productos
que includera le standard, ben que lor navigatores debe adoptar lo in le
futuro.
---
Ab: Jornal "O Liberal", 2 de julio de 1997.
Traducite per Ensjo, 9 de julio de 1997.
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.nautilus.com.br/~ensjo/interlingua/ligamines.html
 Grammar : http://www.nautilus.com.br/~ensjo/interlingua/english.html