[log in to unmask] [log in to unmask]
 http://adam.cheshire.net/~jjbowks/home.html
 ~~~~~~~~~~~~~~~~~~~~~~~~~~~~~~~~~~~~~~~~~~~
 Qual horror!

Le novas de le morte del princessa Di esseva
un choc hic in le Statos! Multos hic non
pote arrivar a un senso comprehensibile del
morte de iste famose princessa, le senioretta
Di e su amico le senior Dodi al-Fayed e le
alteres in le auto.

Vidente le novas in le CNN e altere programmas
de notitias io pensa que le publico del mundo
integre es a evaluar le valor del photos de
personas famose in le periodicos e facer se
le question... Es isto necessari?

Hic le programmas de notitias mentiona que le
auto del princessa escappava del papparazzos,
e date al alte velocitate le conductor del
auto del princessa perdiva controllo del
vehiculo e causava un accidente fatal.
Illo es tanto dificil de creder que isto
occurreva a un persona tanto famose e
tanto car a multe personas del mundo.

Le famine con le qual le papparazzos face
cassa al personas famose es un desgratia,
un ver invasion del necessitate que nos omne
habe de obtener nostre private momentos con
familiares e amicos, e non vider le corvos
photographic in tote sito que on visita.

Io non pote comprender como le senioretta
Di e alteres pote supportar iste invasion
de su vita private. Forsan nove leges o
regulas essera necessari, forsan le publico
nunc non comprara le periodicos immunde,
symbolicamente, con le sanguine del princessa.

Tristemente,
Jay B.