Paul O. Bartlett nota que secundo le idistas interlingua es facile a
leger ma plus difficile a scriber.

Io crede que isto es in le natura de interlingua. Mesmo si on non del
toto ha audite del lingua antea, on pote leger e comprender un texto
in interlingua; io lo ha experientiate ora tante vices e vidite le
facies surprendite de multissime personas, qui faceva iste
experientia mesme. Ma alora on debe APPRENDER lo mesme pro usar lo. E
pois que interlingua ES si facile, il es si probabile que on non
utilisa le tempore necessari pro studiar le grammatica basic - e il
ha un grammatica basic, mesmo si illo es multo, multo minus
complicate que in altere linguas.

Interlingua invita a esser usate immediatemente, proque illo es si
natural e comprensibile a prime vista. Multe "abonatos" de INTERLNG
es exemplos de isto - e io anque mesme faceva assi ante 17 annos. E
quando on primo ha comenciate usar lo in scripto, on post alcun
tempore non lo trova plus necessari consultar un grammatica pro
refrescar (o apprender) le regulas.

Interessante es le facto que nonobstante omnes comprende lo que on
scribe, mesmo si il ha errores. Exactemente como omnes me comprende
a p.ex. le conferentias international de interlingua, mesmo si io
parla con un dialecto typicamente danese, le franceses con dialecto
typicamente francese, le britannicos con dialecto typicamente anglese
etc.

Mesmo si interlingua es multo facile, on totevia besonia APPRENDER
lo. Regrettabilemente...

Optime salutes
Thomas Breinstrup