Car amicos,

Iste message es specialmente adressate a Stan Mulaik pro que ille ha un
grande experientia de participar in gruppos de novitates (newsgroups).
In iste lettera io va peter Stan a contar de su experientias de su
participation in tal gruppos.

Io ha observate que alcun participantes deveni curiose si on scribe
texto in interlingua e non anglese que es le plus commun. Il ha me
evenite plure vices quando io ha scribite in sci.lang e sci.skeptic e
anque soc.culture.nordic. Regrettabilemente il solmente ha pauc gruppos
pro mi profession, foresteria, que me sembla apte a tentar.

Le gruppos de novitates pote esser un bon medio a attraher nove
interessatos pro interlingua e io vole recommandar mi amicos a tentar
isto seriosemente. Pro non discoragiar alcuno on pote scriber in le
final de texto como io ha parcticate: "Responsas e commentarios es
benvenite in interlingua, anglese, germano o le linguas scandinave."

Io es secur que Stan pote dar nos bon avisos como usar Usenet pro le
scopos de interlingua e pro interesses personal. Io ha listate alcun
punctos que io crede importante:

1. Qual gruppos sembla plus usabile?
2. Etiquette recommandabile?
3. Como describer interlingua in pauc parolas, quando necessari?
4. Como evitar a involver se in discussiones inutile con esperantistas?
5. Bon argumentos pro commenciar studio de interlingua?

Io poterea adder plure punctos ma io spera que isto es sufficiente pro
"startar" Stan!
Io anque spera que plure de nos va investigar le possibilitates del
gruppos in Usenet.

Benvenite Stan!

Jan

--
Jan Armann
Generalsgatan 12 E; S-903 36 UMEA, Sverige (Sweden)
Tel & Fax +46 (0)90771525; e-mail:
[log in to unmask];
[log in to unmask];
[log in to unmask];
ICQ - UIN nr:785745;
http://www.algonet.se/~armann
http://www.interlingua.com