Gratias, Janne, pro tu summarisation del situation.
Forsan nos poterea haber un altere lista pro le
questiones grammatical. Es possibile pro Ensjo
e Frank poner al disposition del subscriptores
un altere listserv? Que passava con le lista de
developpamento, e questiones ultra-secret :-)))
Esque illo es usabile pro altere propositos?

Tu description del situation es un bon rememoramento
pro nos subscriptores del scopo del lista e del goles
e propositos de illo. Mais io nota que le lista es un
ver exemplo de civilitate e de cooperation... un ver
exemplo de communication e del intercambio de
opiniones e ideas, si tu es membro de altere listas de
eposta tu sape isto jam. INTERLNG es un bon lista
e io vole adder mi voce in cumplimentos pro le
mediatores e administratores de illo.

Tu scribe que alcun membros ha cancellate lor
subscription recentemente, e io sape que alcunos
hic non son tante active como illes esseva in dies
retro. Mais mesmo io non ha essite tante active.
E alcun vices io pensave cancellar pro un tempore
date le quantitate de projectos que io a vices ha
necessitate de finir.

Mi position pro adjutar con administration de un
listserv es troppo limitate. Io ha multo travalio con
sessiones de trainamento del professores de mi
schola a usar le internet pro lor curriculo e classes.
Ma forsan alteres poterea adjutar con le administration,

io per mi parte amarea le opportunitate de haber
plus discussiones e contacto pro medio del lingua
bel international :-) Si il es possibile formar altere
listas. Io volerea subscriber me sin necun dubitate.

Nunc, io habeva que poner in hiatus le developpamento
del paginas que io publicava in le Tela. Pos problemas
de codification con Java io decideva non usar tante
technologia e refacer le paginas pro haber plus
contenito e minus pizzaz. :-)

Mais nunc io me displaciava ultra le margines de tu
question pro un explication de mi situation personal,
troppo egoistic de me, io vos comprende e promitte
adjutar in qualque forma limittate io poterea facer lo.

Sincer e amicalmente,
Jay B.

de: Jan Årmann <[log in to unmask]>
 Vamos restorar INTERLNG


>Car participantes in INTERLNG!
>INTERLNG ha un importante position pro interlingua. Le foro electronic
>ha causate un vivide activitate IN interlingua. Illo ha essite le prime
>contacto de multe nove interessatos con interlingua. Interlinguistas
>"professional" ha adjutate multo per dar lor benvenita al nove nomines
>e initiar correspondentias private con illes. INTERLNG ha inspirate le
>nove interessatos a osar scriber interlingua - multes ha scribite lor
>prime phrase in interlingua in un foro de expertos sin timer "le penna
>rubie"! Isto es vermente un raritate. E un tal nos debe guardar.
>
>Ecce alcun observationes que le subsignatores ha experite:
>
>* INTERLNG ora contine un grande quantitate messages re questiones
>academic de linguistica. Usualmente concernente detalios sin interesse
>commun. Alcun tal messages plus sovente sembla monologos que
>contributiones in un discussion.
>
>* alcun membros ha terminate lor subscription pro iste causa.
>
[...]
>--
>Jan Årmann/Jan Armann