Allegra totes!
Como promittite, io vos offere un parve viage in mi pais amate : le
semantic grammatical.
Pro parlar del determinantes "cata, tote, omne", io debe facer un parve
introduction. E post isto, vos va comprender facilemente le utilisation
de iste determinantes.
1. Introduction
1.1 Symbolos utilisate:
N = nomine
V = verbo
Det = determinante (= le articulos e lo que le vetule grammaticas
nomineva "adjectivos possessive, demonstrative, etc. = mi, tu... iste,
cata, tote, omne, alicune, plure...)
Non oblida que, in linguistica, le asterisco "*" ante un phrase
significa que iste phrase es agrammatical (=false). Exemplo :
*Io ha prendete. (false)
Io ha prendite. (juste)
1.2 Denotation / referentia
Cata N ha un denotation. Illo significa que si io pote dicer "papagai",
illo es proque il existe in le mundo un classe de objectos que
corresponde al concepto "papagai". Le denotation es tote le classe de
objectos que corresponde al concepto (= tote le papagais qui existe).
(nota bene : quando io dice "il existe in le mundo", il pote esser in un
mundo del imagination : dracon, fee...)
Si io vole parlar de "papagai" in un phrase, io debe precisar de qual
papagai io parla. Io debe construer le referentia de "papagai". Pro
isto, io utilisa determinantes (det), como
MI papagai / TOTE MI papagais / LE DUO papagais...
Le Det. face un selection in le classe "papagai" pro que on pote dar un
referentia al papagais cuje io parla.
Tunc le Det. son un categoria grammatical que face un selection e un
quantification in un classe de objectos.
Grammaticalmente, le denotation es "N", le referentia es "Det + N".
Cata Det ha su proprie maniera de facer le selection e le quantification
in le classe concernite.
Le particularitate del det "cata, tote, omne" es que iste det
selectionne tote le classe de objectos.
---
Nunc io invia jam iste introduction, e io continua in un altere message.
A tosto,
Anne
--
Anne Bürgi
Courriel : [log in to unmask]
Adresse : 640, McGregor, app. 406. Sherbrooke, QC, Canada, J1L 1V7
téléphone : -- 819 573 0068
|
