PAPA SUPERSTAR
Johannes Paulo II lanceara CD con repertorio pop e videoclip pro
sensibilizar le juvenes.

Con le pardono del loco-commun, le papa Johannes Paulo II es realmente pop.
In le die 23 de martio, pauco ante le Septimana Sancte, arriva al botecas
de tote le mundo le album _Abbà Pater_. In illo, su sanctitate non solmente
recita psalmos e [homilias] in cinque idiomas (latino, anglese, italiano,
francese e espaniol) mais ille tamben se aventura per un repertorio musical
que ha pauc relation con le canto gregorian. Dirigite al publico juvene, le
disco include cantiones con arrangiamentos que es plus proxime al sono
_gospel_ que al tradition liturgic. Parte del repertorio es assignate per
compositores italian active. Co-producite per Radio Vaticana e per
Audiovisivi San Paolo, un del major casas editorial de titulos religiose
del planeta, le CD sera distribuite per Sony Classical. Illo ja ha mesmo un
"musica de travalio", _Pater Noster_, cuje texto es le version in latino
del _Patre Nostre_. Le banda era seligite como le prime videoclip de
Johannes Paulo II, un collage de scenas que resume su innumere viages per
le mundo, a esser lanceate in le mesme occasion.

Viste que le clip presenta un mosaico de populos e ethnicitates, le musica
que lo balancia debeva haber un pede sur le _world music_. Le _Pater
Noster_ intonate per le papa ha ganiate, assi, un rhythmo ben marcate que
lo approxima a ille genere. Il es possibile, in ultra, que illo deveni un
successo radiophonic. Secundo le productor del CD, Vincent Messina,
veterano del medio phonographic, le concepto central del projecto es
sensibilizar le publico juvene verso le valores del religion. Le message
predominante in le dece-un bandas del CD evoca, como il non poterea non
esser, caritate, pardono e reconciliation. Le interesse del papa in
approximar se del juventute per medio del musica ha restate plus que
evidente in le conclusion del ultime congresso eucharistic, in Bologna, le
anno antepassate, quando Johannes Paulo II se incontrava con le bardo del
rock Bob Dylan, un judeo qui durante certe tempore ha facite parte del
hostes catholic. "Per presentiar le incontro, on ha notate que le cammino
del musica era mesmo le plus curte pro attinger le juvenes", dice le
productor Messina.
---
Ensjo.
Traducite del revista VEJA, edition 1584, anno 32, nº 6, 10 de februario de
1999.