Le vita del formicas es multo interessante. Io ha sempre soniate de un
proba scriber un roman phantastic in re le formicas, in le qual on usarea
le pur biologia. Un formica masculin incontra un futur regina, e isto es
toto. Sed on pote imaginar como le feromonos transcurre tote le societate
(in le cumulo) e como on reage a isto. Poterea un entitate observante nos
humanos del extero comprender lo que nos face. Attribuirea ille nostre
actiones quotidian a instincto cec?

Un certe grado de antropomophisation forsan es necessari, sed non como in
le film.

Illo es monstrate in le cinemas de Svedia. Io audiva recensiones per le
radio. Forsan io ira vider le film.

Habente 14 annos io legeva un roman de un autor svedese sub le titulo _Le
viage a Venus_. In Venus, secunde iste libro, le insectos era le classe le
plus evoluite e le mamales non habeva essite evoluite.  Io me recorda que
le climato sur Venus era multo calide, e lo que salvava le esseres ibi era
le forte nubes. Quando le nubes era dispergite, le radios del sol habeva un
tanto grande temperatura que illos poteva accender un insecto grande como
un vacca! In toto un multo amusante libro. Le facto que io ha oblidate le
nomine del autor es deplorabile. Io crede que le autor era svedese.

[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden