Io debe dicer que il es multo difficile a me planger me del facto que Allan
ha publicate le libro de Jeszenski in le sito de interlingua. Le facto es
que le distribution de libros es nostre calce achilean. Il es difficile
pagar, nostre servicio de libros non pote acceptar cartas de pagamento etc.

In plus nostre servicio de libros es un occupation idealista. Nulle face un
profito. A mi aviso Ferenc Jeszenski non ha recipite alcun pagamento pro su
scriber le libro. Le facto es que ille lo ha facite de scopos purmente
idealista, lo que io applaude fortemente.

Il es melior que nos individuales compra alcun libros del tempore a
tempore, e illos que nos jam ha accargate a nostre computatores, nos jam
non besonia sed pote dar a un bibliotheca local o a un altere persona
interessate como material de promotion.

Il es multo difficile pro personas habitante in altere paises comprar le
libros in interlingua. Le costos de transmission per posta ha augmentate
exorbitantemente.

Ante alcun annos io voleva inviar un calendario a mi filia, qui vive in
Nederland e io comprava le calendario svedese e inviava illo per posta.
Vole ben saper que le precio del calendario quasi era le mesme qua le costo
de inviar lo a Nederland, e inter Svedia e Nederland il es forsan un hora
de volo per un avion regulari.

Imagina dunque le tempore necesse pro illos qui habita a locos distante e
qui pensa que le costo pro inviar alcun cosa per avion es troppo costose!
Le material deberea haber menses e menses.

Multe del libros in interlingua que io possede - e pro le quales io ha
pagate - io dona a altere personas, viste que per isto illos non jace apud
me colligente polvere.

Per consequente, Hurra! pro Allan, e compra plus de libros!



[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden