Car amicos,

Bent ha ration scribente que le criminalitate cresce e que dunque on risca
perder lo que on mitte in un cassa postal. Ma anque un littera in le qual on
ha includite un cheque, pote perder se. E le libro que on invia, pote perder
se. Tamen mi practica de 6-7 annos e le de Frits Goudkuil de qualque
decennios monstra que le inclusion de moneta in un littera non ha date
problemas. Si on debe pagar PARVE summas (5, 10, 15, 20 dollars), le
methodo es facile (benque illegal, io lo confessa) e illo evita le alte costos
que impedi le vendita e pagamento de libros per altere methodos. Io debe
adder que il ha certe paises que on debe excluder de iste procedura.

Le alternativas pro le invio de moneta es:
1. Un versamento in FLORINOS al conto de giro postal de Frits o a mi
conto de giro postal. Alora le costos que le receptor debe pagar, es
10 florinos.
2. Un cheque bancari in FLORINOS. Le costos pro le receptor es al
minus 15 florinos.
Si le versamento de giro o le cheque bancari es in altere valuta que
florinos le costos pro le receptor pote esser multo alte, mesmo 50 florinos.

Salutes amical de Piet