USATORES STUPIDE
Un usator de un systema de computation remote telephona al supporte. Ille
querela que su systema non functiona del toto.
Le supporto tenta per tote manieras attender al necessitates del usator,
qui reporta un message incognite. Illes tenta toto e nihil functiona.
Como in tote grande interprisa, le supporte al informatica es facite in
stratos. Le usator passa per diverse professionales usque trovar le plus
alte nivellos de specialistas in su problema. Il ha essite justo lo que
succedeva -- necuno ha resolvite le problema e le plus alte specialista ha
essite appellate.
-- Vamos la, mi amico, dice que qual es le problema?
-- Io ja lo ha explicate un montania de vices... Io accende le computator e
solo appare le cebecchetto.
-- Appare QUE???
-- "Cebecchetto"!!! Vos comprende nihil super computatores.
Disconcertate le analysta va a casa, post consultar diverse manuales
technic. Le message reportate simplemente non existe... In casa, durante le
dinar, disanimate ille commenta le problema con su sposa:
-- ...alora le individuo me veni con ille message "cebecchetto". Illo non
existe. Il es isto que resulta quando se pone gente sin experientia pro
usar technologia emergente...
-- Attende... Qual es le message?
-- "Cebecchetto", pote tu creder lo?
-- Mais tu le peteva de dicer lo littera-post-littera?
-- No, mais qual es le differentia?
-- Veni con me!
Le sposa conduce le marito al computator domestic e lo accende. Appare le
"prompt" del DOS e illa appuncta: "Cebecchetto"!!!
Era le signal "C:>"!
===========================
Altere usator telephona al supporto:
-- Ascolta, iste mi computator non functiona per necun maniera! Io ja lo
extingueva e re-accendeva, io ha facite Ctrl+Alt+Del, io ha premite Reset,
io ha CALCATE LE PEDAL e nihil functiona!!!
Le "pedal" era le MURE, que habeva cadite al solo...
===========================
Io ha ite attender un usatrice super un problema de claviero, io ha
resolvite le problema e, quando io era a puncto de ir via, illa prende un
dischetto de 5 1/4" e lo crampa insimul con un folio de papiro a esser
inviate al Director.
-- Oh individua, es tu folle? Tu veni de destruer ille dischetto... Non se
crampa dischetto!!!
-- Ih, e ora?... E si io extrahera le crampa con caution?
Io ha exite del sala sin responder...
===========================
Altere de mure...
Le usator retorna del ferias e trova le mure del nove computator super le
tabula.
-- O Carlos Eduardo, que es isto hic?
-- (Derisor qui passava:) Illo es un microphono pro parlar con le
computator!
-- Ah, sensational! Hallo, computator, cambio, cambio...
===========================
-- Hallo, io tenta formatar dischettos e io ha un dubita...
-- Dice la!
-- Io nunquam succede a formatar plus que 3 a cata vice...
Io ha lassate le telephono, ha currite per le scalas, ha ascendite 4 etages
e ha arrivate al porta del usator qui diceva "hallo, hallo..." al
telephono.
Le individuo habeva mittite 3 dischettos intra le drive de 5 1/4" a un
vice...
E voleva saper ubi mitter le altere 7...
============================
Io ha recipite un inveloppe parve con un message de un usator remote
dicente que le contento era essential pro le processamento nocturne.
-- Hei, le personal del Departimento X ha drive de 3 1/2"?
-- Non del toto, illes ha un computator vetule, XT...
-- ???? Mais vide le grandor del inveloppe.
Le usator habeva plicate le dischetto de 5 1/4" pro entrar in le
inveloppe...
============================
Duo analystas conversava e arriva un tertie:
-- Sra. X, le Sr. Y vole parlar con te.
-- Because?
Dece minutas postea le tertie reveni, ridente:
-- Ah, io comprendeva... Sra. X, tu es un genio!
============================
Le mesme figuras del historia supra:
-- Gente, I'm going...
-- Ja going late!
============================
"Pro Mel Gibson io darea..."
Exclamation de un analysta de systemas...
...viro!
============================
Durante mi stage illes ha abusate multo de me!"
Exclamation del mesme analysta de systemas... Esque il ha alcun relation?
============================
Un analyste invia un dischetto a un de su clientes (un de illas qui te pete
de inseniar Word e ha difficultate pro usar le mure), con le sequente
recommendation, per telephono:
-- Per favor, face un copia del dischetto, perque illo es le unic que io
ha...
-- OK!
Dies postea le analysta, visitante ille cliente, recipe ab illa le
dischetto e duo copias.
Copias XEROX, sur papiro!!!
============================
Le usator telephona al analysta pro querelar:
-- Iste dischettos nove que vos ha comprate es un porcheria...
-- Mais perque?!
-- Iste etiquettas de protection es super-difficile de retirar!
Le analysta non ha comprendite... Dischettos veni in cassas claudite e le
etiquettas de protection es ponite per le usator posteriormente... Ille
decideva ir investigar.
Era dischettos de 3 1/2" e le usator habeva retirate le plattas metallic
que coperi le superficie magnetic.
============================
Durante un trainamento le instructor pete al alumnos:
-- Per favor, preme le barra in pede!
Un alumno se pone in pede e preme le barra "/". Calmemente le instructor
debeva explicar le que ille se refereva al barra "|"... sin rider!
============================
Le usator appare con un dischetto tote torte e lacerate...
-- Vide, iste dischetto hic non functiona.
-- Io va vider lo que io pote vader -- diceva le analysta.
Horas de effortio... Norton Utilities, defragmentatores, undeletes, etc.
Datos recuperate e gravate sur un nove dischetto. Fer, le analysta livra le
disco al usator.
Minutas postea:
-- Vide, illo es mal de novo.
-- Eh? Mais le disco es tote torte de novo? Que tu veni de facer con illo?
-- Nihil! Io solo pone le etiquetta e lo introduce in le machina a scriber
pro dactylographar!
In iste ordine!
============================
Traducite per
Ensjo. :-)
|
