Car amicos,

In su message de hodie Kjell scribe que il es difficile de pagar le libros de
interlingua. Io protesta! Il es multo FACILE de ordinar e de pagar tal
libros.

Jam plure vices io ha explicate (e anque Frits Goudkuil lo ha facite in le
prime pagina del "Bibliographia de Interlingua") que le methodo es
simplicissime:
Si on vole haber un libro publicate per le Servicio de Libros o per me, on
debe inviar a Frits o a me un inveloppe que contine le amonta del precio
del libro in dollars, marcos, francos, libras, coronas, pesetas, etc.
Le methodo es anque multo apte pro pagar a Louise Delnoy le abonamento
de Panorama

Le costos, hic in Nederland, pro cambiar in florinos le summas recipite es
minime. Le experientia de multe annos ha monstrate que iste maniera
simple de pagar parve summas (specialmente si il se age de paises de
Europa occidental e central e de America) es excellente. Io vermente non
comprende pro que il ha ancora personas qui hesita applicar lo.

Il es ver que pro le autores e le editores le production de libros es un
occupation idealista. Il ha dunque nulle pagamentos pro illes! Ma le
impression del libros non es gratuite. Isto costa moneta! E si on copia le
libros del internet in vice de comprar los, le production de nove libros va
stagnar e per isto va stagnar le promotion de interlingua.

Salutes amical de Piet