Legente le exerptos de Nuntii Latini in le quales on narra del jubileo de
Kalevala, le opos national de Finlandia, io subito habeva un senso de
desperantia. Si on insenia le latino al elite in Europa on habera un
lingua, ben que neutral, totevia perfectemente isolante le elite. Tunc le
vulgo comprendera nihil e on potera mentir a illo quantum satis.

Personalmente io vide in interlingua un aspecto democratic, proque io crede
que un societate democratic salva le populos contra plure calamitates.

Con omne le linguas national on crea un specie de inclausuras in le quales
cata nation essera in su proprie lingua, e es plus docile e facilmente
governabile.

Le prime candidato a membro del Parlamento Europee, Pierre Schori, diceva
in un questionamento in le radio, que quando alcun delegato parla in su
lingua maternal (de un grandor como svedese e danese) le politicos europee
"comencia leger Le Monde". Si isto es ver, e Schori es ipse del
comenciamento inseniator de linguas moderne, ille ha indicate un periculo,
que certe grande nationes se senti plus europee que le alteres. Nos habera
per consequente nationes a e nationes b. Multo mal.

Pro isto io supporta interlingua.


[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35