Car Amicas e Amicos,
nostre Stan scribe:
"Io es sympathic con le protestatores con respecto a cosas como le sequente:
Le piscatores de crangon del Statos Unite debe usar le retes con
articulationes pro permitter le tortucas del mar a escappar del retes.
Mais le WTO dice que le Statos Unite debe permitter le importation de
crangon de paises ubi tal regulationes super le protection del tortucas non
existe. Isto introduce inequitate in le concurrentia - e menacia le
tortucas del mundo."
Mario: Nos ha le mesme cosa con le pisca del thunno e le protection del
delphinos.
Statos Unite e Union Europee es ancora in "guerra del bananas" e le SUA ha
imponite mesuras restrictive e, inter altere, ha colpate le spaghetti italian.
Que debe facer nos con iste comportamentos non digne de homines de
governamento?
(In Italia nos usa dicer re le bananas: ma vade a rectificar bananas!)
Nos debe facer simplemente illo que ha sempre facite in le millennios le
homines qui commercia in omne e con omne parte del mundo: on vendi melio le
productos que es melior.
Vos americanos sape vos producer pasta melior de illo italian? e vos debe
producer lo! ma attention perque le altere americanos, illes qui ama le
pasta, comprara equalmente le pasta melior que, forsan, resta illo italian
con un costo plus elevate pro vos.
Le regulas debe esser introducite, alteremente nos haberea damnos, ma on
non pote pretender que le mesme regulas vale contemporaneemente pro un
realitate e un altere. Le mundo es le expression de realitates diverse e
illo debe restar assi, perque isto es facto natural que on non pote
modificar con un lege.
Le mesmo sera pro un lingua o un dialecto.
Illes qui pote jam adoptar nove regulas debe respectar su rolo, como de
altere parte le SUA debe respectar su rolo de superpotentia.
Vos, como totos, es superpotentia anque perque vos occupa vostre regiones.
Con un merito particular? Forsan no, como totos! E allora nos debe pagar un
precio pro restar ubi nos es ab sempre. Nos debe offerer le equal
opportunitate.
Levar le pueros ab le exploitation economic, ab le strata e ab le
emargination es facto que es presto a dicer, ma non assi simple a facer lo.
O debe nos reducer nos totos in miseria pro solidaritate?
Mi marita ha facite un adoption a distantia e con circa US$110.00 per anno
illa mantene e face instruer un puero in le Guinea Bissau, puero que nos
cognosce solmente per un photographia. Nos non le ha seligite, illa ha
solmente decidite que isto era possibile pro nos.
E allora proque cancerettes, retes e tortucas debe haber tante importantia
e ingagiar in tractationes international? Perque le mundo continua a
exprimer se pro minoritates, con le fortia del gruppo, e jammais pro le
singule individuo qui non haberea problemas a pervenir a un accordo con uno
su simile. Duo personas facerea le troco e le amor.
Stan: "In certe respectos le WTO es similar al Union Europee - un
governamento sin real representation del populos in establir politica.
Isto pote devenir un fonte del instabilitate politic in le 21me seculo."
Mario: le WTO tracta aspectos que es plus difficile que illos politic e
internet e le e-commerce es un realitate que on non arrestara plus.
Que es le SUA o le Brasil: federationes de Statos sin historia precedente.
Que es le Europa? Statos de longe historia national e de longe traditiones.
Le SUA fundava su statutos como expressiones de homines qui era arrivate in
loco con le necessitate de exprimer se in modo nove e libere. Era le justo
momento historic pro ganiar iste resultatos e vos era un decena de
milliones de habitantes fin al seculo passate.
Ma como exprime vos le representation del populo in le SUA?
Le qualitates del candidatos es un problema commun.
Io pensa a nivello local, postea statal e in fin federal. Vos non ha altere
medios e iste es le systema democratic.
Vos ha statos con le pena de morte e altere que non lo ha.
Vos ha le mercato libere e quasi le manco del welfare state.
Quando vos sta mal vos debe facer le contos e decider si vos ha le medios
economic pro facer vos curar.
Vos ha le paupertate plus extreme e un forte incommoditate social.
Nos ha le sanitate public que non es le ultime al mundo, nonobstante que
nos lo critica sempre.
Isto es uno del productos de nostre decennal politica europee que debe
facer le contos con iste realitates.
In le duo ripas del Atlantico nos vive equalmente supra nostre real
possibilitate e nos non vole supportar e admitter isto.
E tu Stan pensa que nos non ha un stabilitate politic europee?
Nos ha iste tranquillitate anque con le cambio non favorabile dollar/euro
de hodie, perque nos pensa que sia le dollar a esser supervalutate.
Nos, e io intende sempre le europeos, es constringite a guardar al est.
Postea sera vos qui cambiara comportamentos.
Nos, Stan, vos totos e io, deberea facer un pacto: resister hic pro vider
como il sera le evolution!
Ciao,
Mario
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
|
