d[000101] x[Allan Kiviaho] KivA-011
s[Le millennio - 2000 - MM]

Amicas e amicos!

Io ha essite quasi totalmente silente durante plure
septimanas. Le ultime 3 o 4 septimanas del anno 1999
ha significate labora sin relaxamento, 7 dies de
travalio per septimana.

Isto se culminava in le nocte del cambio de millennio.
Nostre corporation ha milles de ordinatores in varie
partes de nostre pais. Cata officio debeva haber ali-
cuno qui ajournava trans le nocte e io presentava me
como voluntario. Nostre corporation habeva travaliate
2½ annos pro incontrar le millennio e il appare que
omne nostre systemas functiona sin ulle difficultates.

In Finlandia nos non habeva difficultates con le
centros electric nucleari, le traffico, telecommuni-
cationes etc. Etiam quasi nulle problemas con le
systemas ordinatorial. Il appare que etiam in altere
paises le problemas ha provate esser multo minus quam
qual on ha timite.

Durante le ultime duo septimanas nos ha fundate un tal
systema contra le viruses ordinatorial que nostre rete
es connectite con le F-Secure (lor nomine era previe-
mente Data Fellows) e nostre anti-viral programmas in
omne ordinatores son automaticamente actualisate duo
vices per die. Il es un pauc annoiante que cata
infection viral es visibile pro le guarda anti-viral
in tote locos de nostre corporation.

--------------
Finlandia 1999
--------------

Nos habeva grande expectationes ante le semi-anno
quando Finlandia era le stato presidential del Union
Europee in julio. Sed iste periodo ha essite multo
difficile. Illo habeva un mal initio quando Finlandia
veniva al conflicto lingual contra Germania, nostre
alliato natural. Le situation post-guerral in Kosova
impediva le vita normal in le union e specialmente le
nove attacco de Russia contra Czeczenistan.

Un idea regal de Finlandia era le concepto del
"Dimension del Nord", i.e. cooperation inter le UE e
Russia in Europa septentrional. Omne ministros de
affaires estranier de altere paises del UE boycottava
le conferentia super iste thema como protesto como le
guerra in Czeczenistan.

Forsan le plus remarcabile complimento era le accep-
tation de Turchia como un candidato pro membrato de
UE. Le Statos Unite ha facite dur labor pro persuader
Europa que Turchia es le factor plus importante pro
stabilisation le regiones in le oriente proxime que es
extremo importante pro le mundo occidental como fonte
de petrolio. Un supplemento importante son le paises
turc del previe Union Sovietic. Le presidente Bill
Clinton recentemente signava un tractato pro edificar
un oleoducto ab le region de Caspia trans Azerbaydzan,
Georgia e Turchia a Ceyhan, un citate turc al
Mediterraneo.

In alicun respectos le anno 1999 era succedite pro
Finlandia. In initio de decembre Nokia, le producente
de radiotelephonos deveniva le plus grande compania in
Europa e le deceme plus grande in le mundo, plus
grande quam IBM e Coca Cola. Linus Thorvalds, le patre
del Linux, es un finlandese como etiam F-Secure, le
plus famose compania in le mundo in branca de
programmas antiviral.

Infortunamente io ha habite nimis pauc tempore pro
Interlingua. Hodie io ha 10 menses e un die a mi
retiramento in pension. Io vade esser multo occupate
etiam durante le resto de mi carriera sed io spera que
le situation devenirea un pauc melior nunc quando le
cambiar del millennio ha passate.

Sed nunc comencia un nove millennio e nostre lingua
brillante, Interlingua, attinge le etate de 50 annos.

Io crede al bon futuro de Interlingua!

Allan Kiviaho
Association Finlandese pro Interlingua