Car Amicas e Amicos,

io ha legite con multo placer le messages per Victor A. Tchernavski e Stan
Mulaik re themas de actualitate politic del vetule Europa. Un modo que es
equilibrate de exponer le rationamentos e mantener proprie ideas. Isto es
le idea del Union Europee, illo del populos europee.
Anque io ha ideas re iste themas, forsan troppo simple, o forsan utopic
politicamente, ma forsan non economicamente.
Io pensa que tote mi compatriotas europee ha un grande expectation pro le
ingresso del Turchia in le UE. Le Veneto e le Turchia es in relationes ab
sempre e Turchia es anque hereditate del imperio roman de Oriente. Turchia
confinava con le Republica de Venetia.
Assi io pensa que Russia, e io intende le Communitates del Statos
Independente, sera membro del UE multo presto, pro un simple question de
equilibrios in Europa, in le Balkanes principalmente, in le Asia russe,
usque al Stricto de Bering.
Omne minoritate ha derectos que vade respectate.
Anque le majoritates (espaniol, francese, anglese, et cetera) ha le
derectos a lor domo de non esser provocate con le fortia e le uso del
fortia es, anque pro le majioritates, un necessitate: si vis pacem para
bellum, se tu vole le pace, prepara le guerra.
E face lo quando servi!
Era le realpolitik del tempore passate. Le praxis politic realistic que,
abstraction facte de abstracte questiones ideologic o moral, presta
attention a interesses concrete e immediate, specialmente in le ambito del
relationes international.
Como permitter al Russia de regular su factos interne.
De altere latere amor es numero, le numero es potentia, le potentia es le
guerra. Assi le amor, a longe vader, genera le guerra. Le modo plus secur
de evitar le guerra es illo de evitar le amor! Intende le sperantia in
relationes non practic, non economic, idealista.
Esque nos ama le terroristas, o extremistas, o integralistas?
Nos les timeva in le dies passate in tote le mundo, perque nos time illes
qui face uso del violentia. Nos ha necessitate, io non usa le termino pace,
ma simplemente le termino tranquillitate; nos ha necessitate de
tranquillitate.
Tranquillitate pro le europeos es ordine, non amor, ni utopias.
Ordine economic avante toto, perque in le idea del UE, le ordine politic es
un aspecto secundari, accessori, non determinante o strictemente necessari.
Union non es Stato, o Statos Unite, es e resta realisticamente union, ubi
le minoritates ha lor spatio.
Tranquillitate es respecto e in le respecto le prosperitate, cata uno con
su dose, illo que on vole consequer.
Le idea del pace europee es tante cosas, como le libertate de viagiar,
homines e merces, sin patir le piratas del stratas, como actualmente
succede omne dies in le paises emergente del Europa oriental, al west del
Austria.
Heri le Croatia ha optate pro un nove curso, assi io crede sera in Russia
inter alcun menses. Es le populos, car Stan, que exprime iste necessitate
(80% heri in Croatia) e non le politicos, o le mafias, le quales ab iste
selectiones del populo trahe le manos plus ligate.
Io ha fiducia in le Grande Europa e in iste idea de Union Europee.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com
http://millennium.fortunecity.com/zebedee/682
http://members.xoom.com/Oncle_Mario
http://digilander.iol.it/oncleab/index.html

Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]