Jay Bowks wrote:
>
> China Impone Restrictines al Information sur le Net
> (26 jan 2000)
>
> China ordina a companias que illes debe registrar
> software usate pro transmitter datos sensitive
> e cautiona de sanctiones punitive pro divulgar
> information que le governamento vide como secrete.
>
Le secretos del stato naturalmente es multo car al stato Chinese, e multe
paises occidental pone un arma in le manos del stato chinese volente
interdicer omne le cosas que un grande majoritate del population non ama.

Le populo non ama pornographia, paedophilia, homophilia, paedereastria, nude
personas que se move, neonazis e eonazis, democrates, liberales, religiosos,
non-religiosos, angiolatras, heliolatras e uhhh! le lista pote pote prolongar
se a infinito, in seculos de seculos!

On vide que fortias de varie lateres face su optimo pro impossibilitar le
slogan: Le information vole esser libere!

E on ha seeeeeeeeempre le muuuuuuuuulto bon rationes. Si il non es pro salvar
le patria in su integritate, il se tracta del libertate, le bon moral, le ....
le....

Ma in le fin il es le individual qui debe facer su optimo pro evitar, evader,
liberar se de le influentias mal e usar le rete pro ar-gu-men-ta-tion!

Martin Luther (non King, ma su predecessor) deceva un massa de cosas stupide,
ma ille anque se expressava multo ben. Io pensa de lo que ille diceva del
tentation. Ille diceva alque in iste stilo: "Le tentation es como le aves. Le
aves vola supra nostre capite, ma nos pote impedir a illos construir su nidos
in nostre capillos, e assi il es etiam con le tentation. Illo es ibi, ma nos
pote esser dur e non lassar nos esser seducite per illo!"

Le totalitarios sempre time le libere information. Le scriptor de iste lineas
memora ben como in un pais totalitari on voleva controllar tote le machinas a
scriber pro cognoscer si alcuno scribeva mal cosas - del puncto de vista del
regime - in re dicte regime. Naturalmente isto era stupide e contraproductive.
Si il habeva un opposition illo usava naturalmente altere utensiles quam le
machinas a scriber in un redaction de publicationes ben cognoscite, e mesmo in
le caso que si, como poterea on saper que il vermente era le usatores regular
del machinas.

Le stupiditate ancora celebra enorme triumphos e il es un carga, tanto enoiose
como necessari, luctar pro le libertate del parola e le ideas, e usar le
parola pro arguer contra le mal e contraproductive ideas.

Le information debe esser libre. Isto es simplemente hygiena, e cata uno pote
sin troppo grande imagination visualisar lo que occurre si on neglige le
hygiena. Nos recommenda le amicos de prohibition facer le sequente
experimento:
Non lava te.
Non lava a te le manos.
Non rasa te.
Non cambia vestimento.
Non lava le vestimento!
Non usa perfumos!
Sta distante del sapon!

Non cessa le processo durante tres menses, al minus.

E, fratres e sorores, il es le mesme cosa con le hygiena del parola.

Lo que on non pote arguer per le parolas se cambia in vermine e simices,
immunditia e fetor.

Appertemente