President Bill Clinton faceva un visita a un schola elementari.  In le
classe del quarte anno le pupillos discute super parolas e lor
significationes. Le maestro demanda al presidente si ille volerea diriger
le classe in discussion del parola "tragedia".  Le presidente demanda del
classe un exemplo de un "tragedia".
Un puero sta e propone, "Si mi amico jocava in le strata e un auto veniva e
 colpava lo, isto esserea un tragedia."
"No," dice Clinton, "illo esserea un ACCIDENTE."
Un parve puera leva le mano, "Si un autobus con cinquante juvenes saltarea
ab un precipitio, e cata uno morirea, isto esserea un tragedia."
"Io time que non," explica le Sr. Presidente.  "Illo nos appellarea un
GRANDE PERDITA."
Le classe deveni silente.  Nulle altere pupillo osa un suggestion.  Le
Presidente cerca le facies. "Esque il non ha alcuno qui pote me dar un
exemplo de un tragedia?"
Finalmente, ex le fundo del camera, un parve puero leva le mano.  Con voce
delicate ille dice, "Si le Air Force One, con Senior e Seniora Clinton a
bordo esseva colpite per un projectile e explodava in pecias, isto esserea
un tragedia!"
"Excellente," exclama Clinton, "correcte. E esque tu pote me dicer PROQUE
illo esserea un tragedia?"
"Alora," dice le puero, "proque illo non esserea un accidente e certemente
non esserea un grande perdita!"