d[990530] x[Allan Kiviaho] KivA-95Uc
s[NUNTII LATINI X ANNOS]
Estimate focsanistas!
Si on face un video super le UMI-XIV-FOCSANI, on
deberea anque facer propaganda pro interlingua
connectite al isto conferentia. Ecce un texto
interessante ex Nuntii Latini de 990101. Forsan nos
poterea traducer illo a interlingua pro demonstrar
como bon interlingua es como un latino moderne.
------------ o0o ------------
NUNTII LATINI
CONVENTUS APA WASHINGTONIAE HABITUS
Anno vetere exeunte Associatio Philo-
logica Americana Washingtoniae conven-
tum anniversarium habuit, in quo una
sectio Latinitati novissimae assignata
erat.
Cum in illa sectione etiam de Kalevala
Latina ageretur, minister Educationis
Finnorum Olli-Pekka Heinonen partici-
pibus conventus epistulam his fere
verbis misit, qua eisdem culturam et
linguas classicas colentibus omnia
fausta exoptaret.
"Annus undebismillesimus sollemnis est
Kalevalae, epopaeae nationis Finnorum.
Quam ob rem Ministerium Educationis
Finlandiae decrevit, ut participibus
huius conventus exemplaria Kalevalae
Latinae donaret ac volumina Nuntiorum
Latinorum, quos Radiophonia Finnica
Generalis iam paene decem annos per
totum orbem terrarum septimanatim
transmittit.
Anno millesimo nongentesimo octogesimo
quinto Kalevala auspiciis Ministerii
Educationis Latine reddita est, cum
sollemnitatem centesimam quinquagesi-
mam primae, adhuc succinctae editionis
Kalevalanae celebraremus.
Elias Lönnrot Kalevalam ex veterrimis
carminibus apud populum Finnorum tra-
ditione orali conservatis creavit.
Prima Kalevalae editio anno millesimo
octingentesimo tricesimo quinto, nova
autem, plus decem milibus versuum am-
plior, cuius anniversarium nunc cele-
braturi sumus, quattuordecim annis
post in lucem prodiit.
Lingua Latina apud Finnos iam circiter
octingentos annos colitur.
In universitatibus Finnorum hucusque
quattuor milia septingentae quinqua-
ginta dissertationes Latinae examini
publico subiectae sunt, pleraeque ex
eis in Academia Aboensi anno millesimo
sescentesimo quadragesimo condita, an-
tequam illa anno millesimo octingente-
simo duodetricesimo Helsinkium trans-
lata est.
Recentissima disputatio Latina mense
Novembri anni praeteriti in Universi-
tate Jyväskyläensi fuit.
Europa coalescente lingua Latina novam
vim inter nationes invenit, nam Unio
Europaea ex eisdem fere terris constat
ac mediaevalis orbis Latinus.
Europa integrata pro fundamento spiri-
tuali habet cultum humanum illius or-
bis, qui religione Christiana mitiga-
tus et nobilitatus ex antiquitate
Graeco-Romana crevit. Nobis hereditas
spiritualis Europaeorum est colenda,
sine intermissione investiganda, iden-
tidem docenda.
Linguae Latinae, sermoni patrio Euro-
paeorum, praecipua in hoc opere pars
est assignata.
Kalevala, carmen epicum Finnorum et
Hiawatha, epopaea Civitatum Unitarum
Americae Septentrionalis, in quibus
mundus utriusque nationis conditus
est, magna ex parte communem memoriam
generis humani efficiunt.
Sumus in primo limine novi humanismi,
nam homo in solo pane non vivit.
Novo anno incipiente auscultatoribus
lectoribusque nuntiorum Latinorum
fausta felicia fortunataque exoptamus.
Mense Septembri iam decimum anniversa-
rium Latinorum nuntiorum celebrabimus.
Quis crederet inceptum Finnorum Lati-
num apud auscultatores omnium conti-
nentium et plus quinquaginta nationum
tantam gratiam habiturum esse, ut ul-
tra decennium crescente fama continua-
retur.
NUNTII LATINI
FUGIT IRREPARABILE TEMPUS.
EHEU FUGACES LABUNTUR ANNI!
TEMPORA MUTANTUR.
* * * * *
Nuntios Latinos 990101 redegit
Tuomo Pekkanen.
Salutante
Allan
Que vive Romania!
|
