Car amicos,

nulle mysterio retro le acronymo FBLU. Illo es
le "Fundation Bakonyi Pro
Lingua Universal", un fundation private pro subventionar
obras in
Interlingua.
Il ha un presidente e un consilio, le qual decide
autonomemente qui e quanto
subventionar. Pro isto le reuniones non es aperte a qui non
es membro del
consilio. Le consilio de iste fundation se incontra
normalmente durante le
conferentias de Interlingua (on non ha altere occasiones).
Le fundation esseva establite per Stefano Bakonyi (nascite
in 1892), hungare
e italian, le qual esseva multo interessate a linguas
international e que
lassava a su morte un summa de moneta a  un fundation, cuje
interesses
bancari nunc forma le moneta disponibile pro subventiones.
Io tamen vole adverter que le moneta disponibile non es
multe, ergo non face
requestas estranie. In omne caso FBLU paga le moneta
necessari pro mantener
le sito de UMI http://www.interlingua.com.
Le secretario e tresorero de FBLU es sr. Johann Albisser,
Villastrasse 8,
6010 Kriens (Suissa). Le presidente e le le consilieros es
anque membros del
consilio de UMI.

Cordial salutes, Paolo Castellina

_______________________________________________________
Get Visto!  Groups, event calendars, email, and more...
Check it out @ http://www.visto.com/info