Esteban Avey wrote:
> 
> Paolo scribeva:
> 
> >>>Estranie alliatos
> 
> Nostre amico J. Bowks ha un vicio multo typic del Testes de
> Jehova: essayar habilemente de infamar in omne possibile
> maniera le ecclesias christian e lor credentias. Illes lo
> pote facer apertemente o celatemente, non importa como. In
> isto ille es bon amico del anticlericalistas e del
> atheistas aggressive, que in le pressa cape omne occasion
> pro ridiculisar e attaccar le ecclesias traditional.
> Durante que le pressa in general supporta ideas humanistic
> rationalista anti-religiose e favorisa
> credentias "alternative", le Testes de Jehova,
> naturalmente, lo face pro attraher a illes le sympathia del
> gente. Fatiga inutile, le gente non ha ulle intention (si
> illo es consciente de isto) de cader in le retes del
> societate american del Turre de Guarda. Il es plus facile
> que illes cade in le retes del religiones New Age que, per
> exemplo, ha multe bon joco in exploitar le phenomenos
> natural de sol e stellas pro facer passar lor ideas. Selige
> ergo le retes in le quales vos vole cader! Nos, tamen, non
> essera assi stupide.
> Le sito de Pro Biblia publicara alsi documentos critic
> super le Turre de Guarda. Si illo se senti libere de
> attaccar le ecclesias christian, da nos le mesme privilegio
> de facer lo con illes, ma con accurate documentation!<<<
> 
> Iste reaction de intolerantia es exactemente le ration pro le qual io pensa que
> iste foro non es un bon loco de discussiones religiose. Ab nostre amicitate
> ligate al amor pro Interlingua, nos ha nunc un situation ubi un persona accusa
> le altere de non cognoscer le "via correcte" de creder in Deo! Basta, per favor!
> Si on vole parlar re themas religiose, que on se scribe privatemente!
> 
> Esteban

Certo nos debe acceptar le discussion de themas religiose e mesmo si il ha
intolerantia nos debe probar comprender pro que. Quando interlingua essera
plus grande - e isto occurrera - nos va incontrar con humanos pro le quales le
religiones joca un multo plus importante rolo que pro me. Iste conflicto pote
instruer nos alque e si nos pensa que illo es dissagradabile nos pote forsan
saltar iste messages. Ego promitte que post iste message ego va etiam inviar
un totalmente areligiose message al lista, assi que ego preca vos omnes restar!

Nos habeva un runda in re atheismo alcun tempore retro e ego apprendeva multo
in re isto, multo plus ben quam ego ha apprendite per le medios massive in re
le religion in le Statos Unite, al minus, e per consequente ego crede que si
nos practica tolerantia e un proba comprender proque nostre antagonista pensa
in iste o ille maniera. Le veritate, permitte me dicer isto, multo
frequentemente jace in le oculos del reguardante, e nos omnes in iste lista ha
differente experientias. 

Personalmente ego veni de un familia quasi totalmente areligiose. Typic
svedese, appertinente al ecclesia svedese sed quasi nonmodo sapiente que on
face in le templo. Sed un de mi optime cameradas de schola era un pentecostal,
e monstrava un altere mundo a me. 

Il es satis normal que in un familia il ha personas multo practicante durante
que alteres non lo es. In mi juventute ego etiam veniva in contacto con testes
de Jehova. Illes vadeva al appartamentos de varie familias e probava convincer
los a su vision del mundo. Ego de tempore a tempore comprava le Turre de
Guarda de illos sed ego debe confessar que ego non comprendeva multo. Mi matre
e soror sempre jocava con me que ego tanto longe parla con illes. 
– On nunquam pote persuader un teste que ille non ha racion", era le costumari
opinion in mi ambiente. 
        Sed ego pensava que toto isto era multo interessante. In le schola nos habeva
subjecto scholar Christianismo, e le facto que alcuno diceva que "il ha
errores" in le Biblia certo era multo interessante e mesmo choccante. On
voleva saper como isto era possibile.
        Il ha etiam lo que le ecclesia svedese appella neospiritualitate. A mi
comprension isto es tendentias in le christianitate que ha su emanentia del
Statos unite. On appella isto sovente fundamentalismo. Si isto es justificate
o non ego non sape. Un simile moviemento es le Verbum Vitae - Le parola del
vita o forsan le Word of Life. Illes canta multo emotionante e le feminas ibi
es generalmente multo attractive - in curto como le pentecostales de mu
juventute. Isto es interessante pro me, viste que le movimento ha su centro ci
in Uppsala. Ego sole dicer que lo que ego envia a illes es lor phantastic
capabilitate de divulgar su crede. 
        Ego ha laborate insimul con varie personas e ego ha probate respectar illos,
non parlante de lor religiones si illos non parla a me. Ego prende iste cosa
al discussion, viste que le provocation de iste discussion era le facto que on
habeva habite punctos durante le conferentias que dava in tendentia
inacceptabilemente religiose al incontros. 
        Mi situation in toto isto es que ego vive in un pais ubi le christianismo
protestantic era religion statal in mi juventute. Christianismo era un
subjecto scholar, non troppo objectivemente divulgate per le instructores...
In nostre dies nos incontra personas con appertinentias religiose del quales
nos mesmo non poteva soniar 30 annos retro. 
        Esque il non pote esser possibile pro personas adulte de discuter varie
persuasiones in terminos de mira: Ah, vos crede assi. Nos es convincite que...
        Si on exprime le cosa in "terminos theologic" on pote forsan dicer que Deo ha
date al humanos su parola in varie disvelationes, e humanos ha recepite isto e
probate interpretar le parola. Varie culturas e varie experientias ha create
su convictiones e su interpretationes. 
        Et le testes e le reformatos, le lutheranos e le catholicos ha - per su
studios e su revelationes venite a su conclusiones. Per un augmentate studio
del fontes scripte e le traditiones nos pote apprender plus. 
        On reduce le signification de Deo si on crede que iste Eterne Esser qui ha
create TOTE LE UNIVERSO con omne su gallaxias del quales il ha plus quam le
litteras in iste message - e solo _un_ gallaxia ha un extention
incomprensibile pro le intellecto human. Qui es nos que nos mantene que solo
le nostre veritate pote esser le correcte. Nos non sape toto! Nos crede. 
        Ego suppone que mesmo discutente cosas que a nos sembla esser arcistupide,
nos nonobstante pote apprender alco. 
        Pro isto, vole ben - a mi opinion - discuter varie persuasiones, dante
rationes, indicante fontes al quales vos ha confidentia, recurrente a
experientias personal, ma non face isto in le sprito de que un parla le
veritate e un altere non. Vole ben memorar. Vos non parla de un cosa in le
proportiones de un Kjell Rehnström o mesmo un Bill Clinton, sed vos parla del
enormitude del Creator del Universo, in le qual vos crede, e isto face un
enorme differentia, pro expressar se cautemente.

Forsan nos pote haber un lista special pro doxomachias religiose...

Nunc quando il veni testes a mi porta, ego multo affabilemente informa que ego
ha mi proprie opinion in re iste cosas e que ego es vetere e obstinate e non
cambia mi opiniones troppo rapido ;-) sed que ego ha nulle objection que illes
retene le sues...

Esque alcun de vos ha vidite le eclipse solar?

Ci illo era circum 30 % e nihil de vider. Le celo se solmente cambiava un poco
quasi alcuno habeva diminuite le tension electric del sol!

Ego deplora que ego non era in un pais ubi il habeva le umbra. Le conferentia
de interlingua alcun septimana plus tarde esserea.....