Car Cellus Purfluvius,

pro me il era (esseva pro Enfors Erik, ma vide le Grammatica per Gode al
pagina 35, § 104) jam clar que tu respondeva al message per Stan Mulaik e
tu argumentar me placeva.
Anque io habeva predisponite un responsa, ma illo me resultava troppo longe
e troppo riscose. Le thema es periculose pro un cive normal e le factos es
in continue evolution, quando illos non se contradice.
Io legeva le edition electronic del quotidian francese Le Monde re le
electiones primari in S.U.A.; il pare que sia generalisate in tote le mundo
le manco del homines politic qui sia al altessa del situation. Ergo, isto
es un problema non austriac, o statounitese, o per exemplo, italian o
svedese. In general le themas del politica, o illos del populos, es plus
grande del capacitate del homines politic qui nos elige.
Isto face spatio al dictatores, o al homines modeste e postea nos electores
"nos leccara le lesiones". In italiano on dice: "dopo ci leccheremo le
ferite", como face le catto, al retorno de un nocte pro le conquesta de un
catta.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com

Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]