Le sequente articulo esseva prendite de Confluentes vol. 8, januario - martio 2010, 
nro 1. traducite per Stanley Mulaik 


Radiation electromagnetic face malade homine svedese. 
Secundo un articulo in Popular Science de martio 2010 un homine svedese debe 
habitar un cabana isolate in le silva 75 milas al nord de Stockholm proque ille 
debe evitar tote campos electromagnetic. Illos le face malade. Ille debe 
mantener un limitate association con altere gentes proque le technologia le face 
multo malade physicamente. In le ultime estate quando perambulante vicin a su 
casa, ille incontrava un vicino e illes comenciava confabular. Durante isto, le 
telephono cellular de su vicino ha sonate, e Segerbäck, 54, esseva superate con 
le nausea. Post alcun pauc secundas, ille esseva inconsciente. 


Segerbäck ha le condition con le nomine de electrohypersensitivitate (EHS), 
que implica que ille ha reactiones physic sever al radiation electromagnetic 
producite per technologias de consumitores commun, tal como le computatores, 
televisiones, e telephonos cellular. Le symptomas varia a partir de sensationes 
ardente o de formicamento super le pelle a vertigine e nausea, interferentia de 
dormir, e perdita de memoria in casos extreme como aquello de Segerbäck. In le 
casos extreme como sue il ha palpitationes del corde e perdita de conscientia. 


Un telephono cellular debe esser in uso, transmittente o recipente pro producer 
le effecto. Isto es quando le radiationes es le plus forte. Telephonos cellular que 
es active mais non recipente o transmittente non produce radiation 
sufficientemente forte pro producer su effectos super homines como Segerbäck . 


Un vice, quando ille esseva super le ponte fronte de un barca a vela alcuno 
dentro le barca subto ille ha usate un telephono cellular. Isto ha producite un mal 
de capite, nausea, e le inconscientia in Segerbäck. 


Svedia es le sol pais que recognosce iste disordine e va pagar le persona con 
iste condition pro “sanitizar” su casa. Si necesse illes va installar blindage 
metallic que bloca le radiation. 


Le radiation que produce iste effectos in Segerbäck es radiation nonionizante. 
Radios X, bombas atomic, e altere formas de radiation nuclear es ionizante, e 
pote producer sever damnos del corpore, e pote producer le cancere. Mais 
radiation de basse frequentia e radiation de radiodiffusion es nonionizante, e 
ordinarimente on lo reguarda como innocue. E recerca ha determinate que le 
telephonos cellular es innocue e secur. 


E le governamento del Statos Unite non recognosce alcun problemas con 
radiation nonionizante. Necun cancere ha essite 
associate con le uso frequente de telephonos cellular. 


Segerbäck un vice esseva un superior ingeniero de telecommunicationes. Ille 
esseva empleate per Ellemtel, un division del gigante corporation de 
telecommunicationes Ericson, pro plus que 20 annos, le chef de un gruppo de 
ingenieros qui ha designate le circuitos integrate avantiate pro systemas de 
telecommunicationes prototypic. Ille ha usate le equipamento le plus nove e le 
plus avantiate de computatores e telecommunicationes possibile. Ille esseva 
totemente inundate a su empleo con un banio de radiation nonionizante a partir 
de computator es, luminas fluorescente, e le antenna de telecommunicationes vicin 
a su fenestra. 


Su prime symptomas esseva vertigine, nausea, mal de capite, sensationes 
ardente super su pelle—in le tarde 1980s, pois un decade in su labor de recerca. 
Toto minus duo de su gruppo de circa 20 ingenieros ha reportate similar 
symptomas, ben que su symptomas esseva le plus sever. Su EHS deveniva pejor. 
Mesmo le radar de aeroplanos a basse altitude poteva producer un attacco de 
symptomas in Segerbäck. Ille crede que le constante banio de radiation nonionizante 
a su labor, e le fumos toxic de su nove computator esseva responsabile 
pro su condition. 


Quando alteres in su division disveloppava similar 
symptomas, associate con le nove computatores, su compania deveniva 
preoccupate con illo. 


Nove officinas e bureaus con blindage contra le radiation 
nonionizante esseva constructe. Segerbäck esseva un essential e importante 
membro del equipa de recercatores, e illes voleva retener le in lor empleo. Illes 
le dava un vestimento con blindage, e un Volvo con blindage. E ille continuava 
in iste maniera fin que le numero de turres de telephonos cellular ha devenite 
tanto extensive in le 1990s que ille debeva retirar se al silva. 


Lo que es cognoscite per le radiation nonionizante de telephonos cellular es 
que le radiation es le plus intense al antenna que es in le apparato a mano del 
telephono cellular. Quando transmittente le apparato es ponite al capite e le 
radiation pote penetrar al cerebro. Le profunditate del penetration depende super 
le frequentia del radiation. Telephonos cellular functiona in le frequentias inter 
800 e 2200 megahertz. Radios e televisiones functiona a un frequentia plus 
basse, e furnos a microundas e radares functiona a frequentias mesmo plus alte. 


Un scientista svedese qui studia le expression de genes ha monstrate que le 
electromagnetic radiation a 900 megahertz, un frequentia usate per telephonos 
cellular pote influentiar le expression de genes per inhibir le reparation de ADN 
in cellulas pluripotente. Le reparation de rupturas in le ADN de cellulas 
pluripotente es essential pro stoppar le initiation de leukemia e certe tumores, 
includente gliomas in le cerebro. Altere recercatores ha trovate que radiation 
electromagnetic de circa 900 megahertz pote interferir con le excambio de 
signalos in le cellulas del cerebro. 


In usar le telephono cellular il es importante a crescer le distantia inter le 
apparato a mano e le cerebro. Si on pote usar un auricular connecte per un filo 
al apparato a mano, isto pote reducer le intensitate de radiation al capite.


--
Pro leger le archivos e pro modificar o cancellar le subscription:
http://listserv.icors.org/archives/interlng.html