Car Thomas B:

Excusa me, io non ha respondite a tu suggestion que nos
interlinguistas pote scriber un obra collaborative, con
capitulos scripte per differente autores. Io pensa que
isto es un bon idea e io participarea in un tal projecto.

Ma io pensa alsi que coordination inter le autores ante le
initio del projecto ea multo importante. Le autor Isaac Asimov
ha scripte que, como un infante, ille comenciava multe vices a
scriber historias, sin un clar idea como le historias concluderea.
Cata vice, post un bon comenciamento, ille habeva problemas in
continuar le historia e ille ha abandonate lo. Ille poteva scriber
un historia complete solmente post haber le realization que saper
le initio de un historia non era suficiente pro scriber le
historia; saper le conclusion alsi era necessari. Asimov dice
que on non necessita saper tote le historia, solmente le initio
e le conclusion: on pote facer le medie parte durante le processo
de scriber, ma il es necessari haber un destination final.

Pro iste ration, io dar le aviso que nos debe colloborar al
initio pro planar le historia. Nonobstante le possibilitate
que nos habera problemas con isto, io gauderea in participar in
scriber un historia con alteres. Re le historia que io jam ha
comenciate, io jam ha varie ideas e un "destination," ma si tu,
Thomas,e alteres qui lege INTERLNG, vole collaborar in un nove
historia, scribe a me o a INTERLNG pro dicer lo. Quando nos sape
qui va participar como un autor, le autores pote planar le historia.

NB: Iste septimana io non ha multe tempo, ma le septimana proxime
io spera haber le continuation del historia que io ha comenciate.

A revider (o rescriber),
-Julio