Debite al anniversario del discoperimento de Brasil in 22 de april, io
traduceva un parte de un libro de Historia de Brasil.

LE EXPANSION COMMERCIAL E MARITIME PORTUGESE

*Antecedentes*

        In le momento in que Portugal initiava su expansion commercial e
maritime (initio del seculo 15), le relationes commercial inter Europa e
le Oriente (Asia) cresceva e deveniva fundamental pro le ricchessa
europee. Post toto, le Oriente era le grande productor del majoritate
del productos consumite per le europeos, principalmente le *specierias*.

        Iste mercantias veniva ab Asia a Constantinopla e Alexandria. Depost,
illos era transportate per le Mar Mediterranee per le commerciantes de
duo citates de Italia: [Gênova] e Venetia.

        Iste duo potente citates italian imponeva, a fortia, su dominio super
le commercio del speciarias.

        Le _monopolio_ de [Gênova] e Venetia super iste ric commercio noceva al
interesses commercial de altere populos de Europa, como portugeses,
angleses, franceses, espanioles e nederlandeses, qui non habeva
libertate pro commerciar per le Mar Mediterranee.

        A causa de isto, era necessari cercar altere cammino maritime pro
arrivar a India, Japon, Arabia e China, que era le principal regiones
asiatic productor de specierias. Iste regiones era cognoscite in Europa
per le nomine general de *Indias*.

        Discoperir le *cammino maritime* al Indias significava, pro le
portugeses, esser libere del *monopolio commercial* que le citates de
[Gênova] e Venetia exerceva super le commercio in le Mar Mediterranee.

        Le rege e le burgesia mercantil de Portugal se alliava in le expansion,
pois pro le burgesia isto significava plus ricchessa e prestigio, e pro
le rege significava plus fortia politic, isto es, major centralization
del poter politic in su manos.

        Le interesses del portugeses verso le navigation duceva le principe D.
Henrique a crear le Schola de Sagres, pro disveloppar le studios super
le arte de navigar.

        Nos debe considerar tamben como importante le apparition e le
disveloppamento de plure inventiones que cambiava le vita del europeo e
exequeva un rolo grandiose in le disveloppamento del studios nautic e in
le grande navigationes.

        Que nos emphatiza, inter alteres, le importantia del rolo del arma de
foco, del pressa, del bussola e del [caravela].

(Continua...)
-- 
   ENSJO : EMERSON JOSÉ SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belém - Pará - Brasil
Telephono: (091) 231-5740 // +55 91 231 5740