Amicos,

Io ha tolerate le recente conflagration de INTERLNG durante alcun tempore,
in le sperantia que le stato de tranquillitate se restabilirea sin major
damnos. Totevia, hodie io trova iste requesta:

Pedro Albeirice da Rocha ha scribite:
>sORRY, I cann"t write in Interlingua, I ask you
>please teach me how to get out from this site.

E assi io veni de retirar Pedro del lista.

~~~

SENIORES!

INTERLNG se dedica al PRACTICA de Interlingua...

1) ...de maniera AMICAL. Le major parte del lectores de INTERLNG non ha
interesse in scaramucias interpersonal. Si alcunos de vos ha conflictos de
iste sorta, que vos los resolve in particular in altere loco.

2) ...secundo le grammatica definite per GODE & BLAIR. Le major parte del
lectores non se interessa in discussiones grammatical o grammaticas
alternative pro Interlingua. Assi, io vos preca de conducer iste themas a
altere foros.

In qualcunque momento post ora io es disposite a EXPELLER le participante
que, secundo mi judicamento, non presenta comportamento CONFORME a iste
principios.


Ensjo.
Administrator de INTERLNG.