Le die 17/03/2007 15:15 +0100, Antonielly Garcia Rodrigues ha
scripte quanto seque:
> Anteriormente io pensava que un programa separate esserea un bon
> solution, ma, considerante le direction de evolution del tecnologias
> [...] io ora pensa
> que un sistema que executa in le navigator Web como qualcunque pagina
> Web ordinari es le solution plus adequate al nostre demandas. 

optimo!

> Io intende facer un sistema que executa in le navigator Web, con alcun
> tecnologia (como AJAX o Java). Il haberea un servitor central que
> continerea le programa servitor e le base de datos relational (como in
> Gmail e in Wikipedia). Le usator anonime accessarea le interface
> default. Le usator autenticate (non-anonime) poterea
> customizar/personalizar su interface (pro exibir solmente
> informationes de su interesse, in le ordine que ilo vole). Le usatores
> con privilegio de "lexicografos" poterea submeter entratas al
> dictionario remotemente (via navigator Web).
> 
> Il debera haber functionalitates de historico e de observation
> (similar al existente in Wikipedia) pro altere usatores verificar si
> le ultime inclusiones e cambiamentos es correcte o non. Tunc il
> haberea un sistema informal de "peer review" pro facer le dictionario
> plus acurate.

Si io comprehendeva ben, si A e B es lexicographos:
 1. A face cambios
 2. B face cambios
 3. A approba le cambios de B
 4. B approba le cambios de A

> Pro evitar vandalismos, solmente usatores con le privilegio de
> "lexicografos" poterea editar entratas. E nos saperea qui es iste
> lexicografos, proque nos establiria le privilegio a ilos. Le alteros
> poterea solmente cercar entratas (read-only).
> 
> Antonielly Garcia Rodrigues

Ciao
Giovanni

--
Archivos e disabonar: http://listserv.icors.org/archives/INTERLNG.html