E como es le situation con André Martinet?

Io ha scribite un email a un mi ex-professora in le cathedra del linguistica
applicate (a su adresse de labor, ma io spera, illa pote leger lo etiam
extra le edificio del schola alte / universitate), super le qual io sape,
que illa parla le romaniano, francese, espaniol, anglese e germano; assi io
la scribeva in interlingua; forsan me succedera provocar su interesse al
lingua assi. (Io es certe, illa va comprender le littera; ma usque nunc illa
non ha respondite.) In illo io scribe, que io va incontrar le vidua de André
Martinet, super le qual nos ha apprendite multe durante nostre studios al
cathedra linguistica applicate (inter 1998 e 2002) e germanistica. Pro
eveliar su interesse super le lingua, etc. io la ha presentate André
Martinet, como un significante co-ordinator del labor in le IALA inter 1946
e 48; ma ha io ration in isto? Postea io ha legite le articulo de Panorama
(ex 1998), que pote esser legite in le rete - un intervista con ille facite
per interlinguistas francese -, in le qual ille dice, que il habeva duo
gruppos de labor parallel in le IALA de alora: un sub le direction de ille e
un dirigite per Gode; e que ille _nunquam_ esseva de accordo con le
principios de Gode, haber un lingua totalmente de origine latin o neolatin.
(Ille voleva includer elementos e altere cosas ex le linguas oriental, pro
esser "plus international".) Totevia ille diceva, quando ille legeva le
Panorama, que su linguage es "multo romanic" e illo sta multo proxime a ille
linguage lo que ille planava crear (escepte alicun punctos de detalio). Isto
es un contradiction! Pois que le principios de Martinet sembla esser totevia
altere(s?) (si io crede a su prime assertion, non al secunde) que illos de
Gode, io suppone que Martinet anque non pote esser tractate como un del
determinante "patres de interlingua", ben que ille esseva forsan le plus
famose, le plus recongoscite linguista ex le gruppo. Ma io pensa, que su
resultatos inter 1946 e 48 esseva incorporate per Gode in le nove lingua
publicate in 1951.

P. Kovacs

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================