d[060825] x[Kiviaho Allan] z[KivA-FOib]
s[Problemas con europagamentos]

[log in to unmask]
[log in to unmask]

===========================
Problemas con EUROPAGAMENTO
===========================

Estimate interlinguistas!

Io ha un sentimento curiose (ein komisches Gefühl) que
io es le sol interlinguista qui usa le systema de
pagamentos del Union Europee - "EUROPAGAMENTO", benque
iste systema ha essite in uso jam desde alicun annos.

Piet Cleij scribeva le 2006-05-22: "Io va vider si mi
banca me invia le 1.80 euros. ... Le subtraction de 1.80
euros del pagamento ab Finlandia es un exception unic.
Omne altere pagamentos a me ab Europa es SIN iste
subtraction, si on mentiona le IBAN e SWIFT."

Io inviava a Piet 1.80 euros pro coperir iste extra
costos. Il era forsan stupide proque Piet nunquam
recipeva iste summa - forsan proque le banca robator
habeva tenite iste 1.80 euros "pro su proprie
costos" ...

Nunc io ha inviate a Piet 5 euros pro probar si iste
1.80 euros son extracte mesmo ex iste summa. In infra
son copias de receptas. Io spera que Piet va reciper
iste 5 euros o 5.00-1.80=3.20 euros. Si le banca de
Piet systematicamente roba iste 1.80 euros per
transaction io pensa que illo debe esser prendite in
consideration in le precios de libros e magazines
offerite per le Servicio de Libros UMI, Panorama etc.

"SEPA" (Single Euro Payments Area) / SAEP (Singule Area
de Europagamentos)

Le Union Europee prepara un systema que va facer tote le
Union como un "singule banca". Il es estimate que iste
systema va dar al Union Europee sparnios de 50 - 100
milliardos (50 000 000 000 - 100 000 000 000) euros per
anno - e mesmo plus si on va crear un systema EDI
(Electronic Data Interchange) / EID - (Electronic
Intercambio de Datos).

"SWIFT" es spiate per CIA?

Piet Cleij: "... si on mentiona le IBAN e SWIFT" ...

Ante alicun septimanas jornales e televisiones
finlandese diffundeva novas que, secundo alicun jornal
statounitese, le CIA (Central Intelligence Agency) / ACI
(Agentia Central de Intelligentia) statounitese spia le
transactiones monetari europee in le systema SWIFT
usante le "lucta contra terrorismo" como excusa. Le
circulos commercial in Europa son consternate proque
illes time que le statouniteses pote spiar etiam le
transactiones monetari inter le firmas europee (spionage
commercial). Le plus alte functionario del securitate de
datos finlandese diceva in le television que il es
completemente possibile que tal spionage occurre.

Heh-heh, benque nos interlinguistas a pena debe timer
que le CIA spia nostre micre transactiones con le
Servicio de Libros UMI, il pare esser importante que
Europa libera se ex le domination statounitese de
servitores de nomines (name servers) a altere servicios
critic del interrete.

Bon europagamentos!

2006-08-25
Allan Kiviaho

- - -

Vide
http://www.interlingua.fi/ordikay2.htm
per favor!

--
Archivos e disabonar: http://listserv.icors.org/archives/INTERLNG.html