Le Mechanismo Europee de Stabilization, o Como le Vampir octopode Goldman ha 
justo ora capturate Europa.

Per Ellen Brown, postate le 18 de april 2012
Traducite per Stanley Mulaik

Le colpo de stato del Banca Goldman Sachs que ha fallite in America ha quasi succedite in Europa--un permanente, irrevocabile, non defiabile salvamento pro le bancas assecurate per le cititanos contributores de taxas.
In septembre 2008, Henry Paulson, previe chef executivo de operationes (CEO) de Goldman Sachs, ha succedite in extortar un salvamento de bancas de $700 milliardos a partir de Congresso. Mais pro succeder, ille debeva cader a su genus e menaciar le collapso del integre systema financiari del mundo e le imposition del lege martial; e le salvamento esseva solmente pro un vice.
Le supplica pro un fundo permanente de salvamento--le Programma pro relever le activos problematic (PRAP)--esseva opponite per Congresso e ultimemente rejicite.
Per le decembre de 2011, le Presidente del Banca Centeral Europee, Mario Draghi, ex-vice-presidente de Goldman Sachs de Europa,esseva capace de approbar un salvamento de 500 milliardos de euros pro bancas europee sin obtenir le permission de alcuno.
E in januario de 2012, un programma permanente de salvamento financiari con le nomine "Mechanismo de Stabilizaton Europee" MSE esseva approbate in le morte del nocte con a pena un mention in le pressa. Le ESM impone un debito sin limitates precise super le governamentos membros del Union Europee, facente le contributores cititanos responsabile pro qualcunque cosa que le surveliantes eurocratos demanda.

Le colpo del bancheros ha triumphate in Europa apparentemente sin un lucto. Le MSE es laudate per le governamentos del Eurozona, lor creditores, e "le mercato" tamben, proque illo implica que le investitores va continuar in comprar le debito soveran.
Toto es sacrificate al demandas del creditrores, proque de ubi altere pote le moneta sia obtenite pro flottar le debitos stropiante del governamentos del Eurozona?

Il ha un alternativo al sclavitude al bancas.  Mais, primo, que nos face un reguardo plus detaliate del abominabile ventre inferior del MSE e le silente acquisition del Banca Central Europee....
                           Le latere nigre e obscur del MSE
Le MSE es un facilitate permanente de salvamento intendite a reimplaciar le temporari Facilitate Europee de Stabilitate Financial
e le Mechanismo Europee de Stabilization Financial quando le statos membros representante 90% del commitmentos de caplital ha ratificate lo, alque que on anticipa va occurrer in julio de 2012.  Un video a Youtube de decembre 2011 titulate "Le veritate choccante del pendente collapso del Union Europee", originalmente postate in germano, da un reguardo tanto revelante que il vale le pena a citar lo aqui extensemente. Illo dice: "Le UE es planante un nove tractata appellate le Mechanismo de Stabilization Europee o MSE: un tractata de debito.... Le authorizate capital essera 700 milliardos de euros. Question: proque 700 milliardos? [Le responsa probabile: illo simplemente ha imitate le $700 milliardos que le Congresso ha comprate in 2008.]
[Articulo 9]" ... Membros de MSE per isto interprende irrevocabilemente e inconditionalmente pagar a demanda alcun appello de capital facite super illes ... dentro septe dies a pagar.... Mais que on vole dicer per 'irrevocabilemente e inconditionalmente'? Suppone que nos ha un nove parliamento, uno que non vole transferer moneta al MSE? ....
[Articulo 10]: "Le Consilio de Administration pote decider cambiar le capital authorizate e amendar Articulo 8 ... accordantemente."
Question: ... 700 milliardos es solmente le comenciamento?  Le MSE pote accumular in le fundo tante como illo vole, a qualcunque tempore que illo vole? E nos esserea alora requirite sub Articulo 9 a irrevocabilemente e inconditionalmente pagar?
[Articulo 27, lineas 2-3]: "Le MSE, su proprietate, fundos, e activos ... va gaudiar le immunitate a partir de tote formas de processo judicial ...." Question: Assi le programma de MSE pote intentar un processo contra nos, mais nos non pore defiar lo in corte?
[Articulo 27, linea 4]: "Le proprietate, fundo e activos del MSE essera immun apartir del cerca, requisition, confiscation, expropriation, o alcun altere forma de saisimento, prendamento, requisition, confiscation, expropriation, o alcun altere forma de saisimento, prendamento, o preclusion per action executive, judicial, administrative o legislative." Question: ... [I]sto vole dicer que ni nostre governamentos, ni nostre legislaturas, ni alcun de nostre leges democratic ha alcun effecto super le organization de MSE? Aquello es un multo potente tractata!
[Articulo 30]: "Governatores, vice-governatores, directores, vice-directores, le director gerente e membros de personal essera immun contra alcun processo con respecto a actos performate per illes ... e va gaudiar le inviolabilitate in respecto a lor papiros e documentos official." Question: Assi, alcuno prendente parte in le MSE es excludite de responsibilitate? Illes non pote esser tenite contabile pro alcun cosa?  Le tractata establi un nove organization intergovernamental a que nos es requirite a transferer activos sin fin dentro septe dies si illo assi lo require, un organization que pote intentar actiones contra nos, mais es immun contra tote formas de prosecution, e cuje gerentes gaudia le mesme immunitate. Il ha necun tribunal independente e necun leges existente se applica?  Governamentos non pote prender action contra illo?  Le budgetes national de Europa es in le manos de un singule inelecte organization intergovernamental? Es aquello le futur de Europa? Es aquello le nove UE--un Europa disproviste de democratias soveran?
                Le octopode Goldman captura le BCE
Le ultime novembre, sin alcun fanfar e a pena notate in le presso, ex-executivo Goldman Mario Draghi reimplaciava Jean-Claude Trichet como le chef del BCE. Draghi perdeva necun tempore in facer pro le bancas lo que le BCE ha refusate a facer pro su membros governamenos--prodigar moneta super illes a multo economic ratas. Le blogger francese Simon Thorpe reporta: "Le 21 de decembre le BCE "prestava" 489 milliardos de euros a bancas europee al extremente generose rata de justo 1% durante tres annos.  Io dice "prestava", mais in realitate, illes justo faceva operar le pressas de  imprimimento. Le BCE non ha le moneta a prestar. Il es Facilitation Quantitative (FQ) de novo.
Le moneta esseva devorate quasi instantaneemente per un total de 523 bancas. Il esseva le follia total. Le BCE spera que le bancas va facer alque utile con illo--como prestar le moneta al grecos, que currentemente paga 18% al mercatos de obligationes pro obtenir le moneta. Mais il ha absolutemente necun conditiones super iste moneta. Si le bancas decide pagar le premios con le moneta, aquello es possibile. O illes poterea justo transferer tote le moneta a refugios sin taxas.
A 18% del interesse, le debito se dupla in justo quarte annos. Il es iste onerose onere, non le debito se mesme, que es stropiante Grecia e altere nationes debitores. Thorpe prpone le solution obvie:
Proque non prestar le moneta directemente al governamento de Grecia? O al governamento portugese, que currentemente debe facer se prestar moneta a 11.9%? O le governamento hungare que page currentemente 8.53%. O le governamento irlandese, currentemente pagante 8.51%? O le governamento italian que debe pagar 7.06%?
Le usual objection a aquelle alternativo es que Articulo 123 del Tractata de Lisbona interdice le prestar a governamentos per le BCE. Mais Thorpe rationa:
"Mi intendimento es que Articulo 123 es la pro prevenir le governamentos electe de abusar le Bancas Central per ordinar les a imprimer le moneta pro financiar excessive expendituras. Aquello, nos es informate, es proque le BCE debe esser independente a parte de governamentos.  O.K. Mais lo que nos ha ora es un milliardo de vices pejor.  Le BCE es ora totemente in le manos del sector de bancas. 'We vole un medie mlliardo de realmente incostose moneta!!' illes dice.  O.K., necun problema. Mario es aqui pro reparer aquello. E il ha necun necessitate de consultar alcuno. Quando le BCE veni a facer le annunciamento, le moneta jam ha disapparite.
Al minus si le BCE esseva functionante sub le supervision del governamentos eligite, nos haberea alcun influentia quando nos elige aquelle governamentos. Mais le gruppo que or ha lor manos immunde super le instrumentos del poter es ora totemente ultra le controlo. Le Banca Goldman Sachs e le technocratos financiari ha prendite possession del nave europee.
Le democratia ha partite, toto in le nomine de mantener le banca central independente del 'abusos' del governamento. Totevia le governamento es le populo--o illo debe esser aquello. Un governamento eligite democraticamente representa le populo. Le europeos es dupate in relinquer lor car democratia a un banda de picaros piratic, e le resto del mundo non es longitan in le distantia.
In loco de ratificar le tractata draconian del MSE, le europeos esserea melior avisate a revertir le articulo 123 del Tractata de Lisbona. Alora le BCE poterea emitter credito directemente a lor governamentos membros. Alternativemente, le governamentos del eurozona poterea re-establir lor soveranitate economic per reviver lor bancas public e usar los a emitter le credito del nation pro le beneficio del nation, effectivemente libere de interesse. Isto non es un nove idea, mais illo ha essite usate historicamente a multo bon effecto, e.g. in Australia per le Banca del Republic de Australia e in Canada per le Banca de Canada.
Hodie le emission de moneta e le credito ha devenite le derecto private de renteros vampires, qui lo usa pro exprimer le sanguine vital foras del economias.  Iste derecto debe esser retornate al governamentos soveran. Le credito debe esser un utilitate public, dispensate e maneate pro le beneficio del populo.
----
Ellen Brown es un advocato e Presidente del Instituto de Bancamento Public, http://PublicBankingInstitute.org. In Web of Debt (Rete de Debito), le plus recente de su dece-un libros, illa monstra como un cartel private ha usurpate le poter a crear le moneta a partir del populo se mesme, e como nos pote reganiar iste poter.  Su websites es http://WebofDebt.com e http://EllenBrown.com.


--
Pro leger le archivos e pro modificar o cancellar le subscription:
http://listserv.icors.org/archives/interlng.html