Microbios stressate se muta

Secundo un articulo in Science 30 de maio 2003 in le evolution le natura
clarmente selectiona organismos cuje variationes genetic les face
plus adaptive.  Il non es clar, nonobstante, qual factores del ambiente
provoca iste variation genetic.  In le laboratorios evidentia que appoia
le idea de processos de mutation que es adaptive ha previemente essite
documentate in racias de bacteria e levatura.  Mais in un reporto de
Science de 30 de maio 2003 iste mesme processo ha essite monstrate
in racias salvage. Scientistas ha studiate plus que 700 racias del specie
de Escherichia coli, le bacteria commun in le tracto digestive, derivate
de ambientes diverse natural.  Illes ha monstrate que iste microbios ha
crescite lor rata de mutation in responder al stress de fame (inducite per
un longe phase de crescimento durante que le cellulas inveterante esseva
deprivate de nutrimentos).  De plus simulationes de computator ha
monstrate que le alte frequentia de mutatores esseva explicabile per
le avantage indirecte selective de crescite variation genetic.  In un altere
reporto altere scientistas ha indicate que le mechanismos molecular
similar a aquelles que produceva le mutagenesis inducibile bacterial
pote contribuer al instabilitate genetic que es associate con le
cancere e le inveteration in organismos multicellular complexe, e isto
poterea assi provider un  scopo potential pro le therapeutica.

Stan Mulaik