Omne vita intelligente communica.
On pote decir anque que la communication es un proprietate constante del
intelligentia, un besonio natural de omne specie de intelligentia, de omne
forma de intelligentia. (Io mesmo, de pauc intelligentia, besonia
communicar con vos, de multe intelligentia, in Interlingua per la lista !
Gratias Luca e altere amicos ! )
Le humanitate essaya de communicar con un vita extraterrestre eventual.
Reciprocalmente le vita extraterrestre (si illo exista) communica, ma SETI
(« search for extraterrestrial intelligence » , in  interlingua «  recerca
de intelligentia extraterrestre » ) ha captato nihil usque ora.
Forsan le vita extraterrestre nos cerca e forsan nos ha trovate ...troppo
tosto, (il ha) miliones de annos (ago), ante que nos era homines.
Le spatio es immense in miliardos de annos de lumine, le tempore es immense
in miliardos de annos, o melio dicite le spatio-tempore es immense,
immensissime ; dunque le simultaneitate de nostre civilisation e de un
civilisation extraterrestre non troppo distante es pauc probabile.
Io me demanda e io vos demanda : qual marcas o qual modificationes o qual
message mathematic le systema solar poterea conservar ora ab visitas
extraterrestre hyperpotente, post oceanos de tempore ?