Car Amicas e Amicos,
heri postmeridie io ha terminate de depinger mi tertie fresco que io
initiava le 31 de julio passate. Illo ha un superficie de circa duo metros
de altidude per tres de largessa. Un belle interprisa pro un apprentisse de
60 annos.
Illo ha duo titulos: "Le estate insimul", perque mi commandator e io, in
practica passava le estate con iste commun interesse, e "Le 11 de septembre
2000" pro recordar le die que Alberto, le principal subjecto del pictura,
initiava su schola materne al belle etate de tres annos e cinque menses.
Sape vos? In iste ultime mense Alberto deveniva un assidue consumitor de
pastellos colorate e ille cognosce tote le partes de mi pictura, que ille
describe al visitatores. In plus Alberto designa le figuras que ille colora
e, illo que nos surprendeva pro su etate, es le facto que ille sape
completar le figura. Per exemplo, ille non sape designar ancora un circulo
rotunde, ma ille completa totalmente le contorno e lo obtene conjungite.
Con le color Alberto actualmente lo distribue quasi al interno del figura.
Mi commandator, qui es le granpatre de Alberto, io e tote le familiares de
nostre "artista", nos non ha incoragiate le puero a facer iste activitate,
nos ha simplemente supportate su curiositate, e nos ha minifestate
"indiffetentia".
Facer un pictura a fresco significa anque viver insimul.
Nos era in un patio (es.: patios) al latere de un grande jardin con le
piscina e al horisonte nos habeva le arcos del montanias venete. Si!
Frescar es un belle activitate pro mi etate. Io ha passate le estate al
aere aperte.
Actualmente io debe organisar me pro mi quarte fresco.
Si le sanitate me assistera, io ha trovate mi activitate pro le tertie etate.
Vamos, juvenes!

Ciao,

Mario